HR. HAMMOND
   Farfisa professional
clockhere
Flettingar í dag: 303
Gestir í dag: 45
Flettingar í gær: 364
Gestir í gær: 69
Samtals flettingar: 6496391
Samtals gestir: 334037
Tölur uppfærðar: 11.12.2018 08:04:32

Ragnheiður Gröndal

Ragnheiður Gröndal 2003-
Ragnheiður Gröndal (15-12-84) - Söngur og píanó 2003-


 
 
 1. LP Ragnheiður Gröndal 2003
 
 
 2. LP Vetrarljóð 2004
 
 
 3. LP After the Rain 2005
 
 
 4. LP Þjóðlög 2006

Stutt æviágrip
Ragnheiður Gröndal er fædd árið 1984. Hún hóf ung tónlistarnám í Tónlistarskóla Garðabæjar, fyrst á blokkflautu og svo á píanó. Eftir það lá leiðin í Tónlistarskóla FÍH þar sem hún hóf nám í jazzsöng. Lauk burtfararprófi frá Tónlistarskóla FÍH vorið 2005. Samhliða söngnáminu tók hún 6 stig í jazzpíanóleik. Veturinn 2005 - 2006 stundaði Ragnheiður klassískt píanó við Tónlistarskólann í Reykjavík undir handleiðslu Önnu Þorgrímsdóttur og lauk þaðan 7.stigi í maí 2005.

Ragnheiður hefur verið virkur þátttakandi í íslensku tónlistarlífi og sent frá sér fjórar sólóplötur; Hún hefur einnig sungið inn á plötur fyrir m.a. Jón Ólafsson, Hauk Gröndal og fleiri.

Ragnheiður er handhafi Íslensku Tónlistarverðlaunanna og fékk m.a. verðlaun fyrir bestu plötuna og var valin söngkona ársins árið 2004. Ragnheiður hefur haldið úti eigin hljómsveitum og farið í tónleikarferðalög um allt Ísland. Hún hefur komið fram ásamt hljómsveitinni Ske á Englandi, í Skotlandi og Svíþjóð og á Hróarskelduhátíðinni í Danmörku. Síðasta sumar kom Ragnheiður fram á Copenhagen Jazz Festival ásamt sjö manna hljómsveit sem skipuð er einvala liði íslenskra og erlendra djassleikara. Þar lék hljómsveitin nýjar útsetningar Hauks Gröndal á sígildum djasslögum og blús.

Fyrir jólin 2005 kom svo út fyrsta plata Ragnheiðar með eingöngu eigin efni og heitir hún "After the Rain". Platan hefur hlotið frábæra dóma og viðtökur hafa verið góðar og platan náði gullplötusölu fyrir jólin 2005.

Á vormánuðum þess árs kom Ragnheiður fram á tónleikum ásamt Eivöru Pálsdóttur og Sinfóníuhljómsveit Íslands og þar voru flutt gömul íslensk dægurlög.

Fjórða sólóplata Ragnheiðar er komin út. Þema plötunnar eru íslensk þjóðlög og er verkefnið samstarfsverkefni hennar og Hauks Gröndal. Platan er gefin út af 12 Tónum.

Ragnheiður stundar nú söng- og píanónám við hinn virta "New School of Jazz and Contemporary Music"í New York .

Tekið af heimasíðu söngkonu.

Uppfært 19-04-07