HR. HAMMOND
   Farfisa professional
clockhere
Flettingar í dag: 1016
Gestir í dag: 55
Flettingar í gær: 1207
Gestir í gær: 61
Samtals flettingar: 6499712
Samtals gestir: 334280
Tölur uppfærðar: 15.12.2018 12:46:05

Svanfríður

Svanfríður 19. Febrúar 1972-1973
Nafnið var sótt á barinn í Glaumbæ en þar vann stúlka með því nafni.
Pétur Wigelund Kristjánsson - Söngur 1972-1973 (07-01-52 D.03-09-04)
Birgir Hrafnsson - Gítar, Söngur 1972-1973
Gunnar Hermannsson - Bassi 1972-1973
Sigurður Karlsson - Trommur 1972-1973 (17-05-50)
Björgvin Gíslason - Gítar 1973

 1. LP What´s hidden there 1972 (Svanfríður)
 2. 7" Jibbý jei / Kalli bóndi 1972 (Svanfríður)

Svanfríður

Hljómsveitin Svanfríður varð til árið 1972 en sveitin var nefnd í höfuðið á óþekktri bardömu í Glaumbæ en það veitingahús hafði brunnið nokkru áður en sveitin var stofnuð.

Aðalhvatamaður að stofnun sveitarinnar var Pétur W. Kristjánsson sem byrjað hafði feril sinn með Pops áður en hann gekk í súpersveitina Náttúru en ákvaðað hætta og stofna nýja sveit sem hlaut nafnið Svanfríður. Til liðs við sig fékk hann fyrrum Ævintýramennina Sigurð Karlsson trommara og og gítarleikarann Birgir Hrafnsson og auk þeirra bassaleikarann Gunnar Hermannsson úr Tilveru.

Svanfríður var rokkband og náði miklum vinsældum, spilaði látlaust um allt land, hélt til Færeyja í tvígang og aurarnir streymdu inn. Í júlí gaf sveitin sér þó tíma frá tónleikahaldi, hélt til London þar sem Diddi fiðla beið þeirra, en hann hafði verið með Pétri í Náttúru. Diddi tók upp heila LP plötu með sveitinni og hlaut platan heitið What's hidden there. Þó svo sveitin hefi gefið sig út fyrir að vera rokkband var hippafílingurinn alsráðandi á plötunni, textarnir uppá enska tungu, flestir eftir Róbert Árna Heiðarsson, ungan lögfræðinema. Líkt og aðrar sveitir á þessu róli gaf sveitin sjálf útplötuna.

Auk LP plötunnar sendi hún frá sér smáskíf með lögum eftir Gylfa Ægissson Þar voru lögin Jibbý jei og Kalli bóndi. en upptökur þeirra laga voru gerðar í veitingahúsinu Klúbbnum með aðstoð Pétur Steingrímssonar. Þá lék Svanfríður einnig undir  á smáskífu Óðins Valdimarssonar sem kom út um líkt leiti.

Um vorið 1973 voru komnir brestir í samstarfið og ákváð stofnandinn Pétur Kristjánsson og bassaleikarinn Gunnar Hermannsson að yfirgefa sveitina og stofna Pelican en Birgir og Sigurður héldu til funda við fóstbræðurna Magnús og Jóhann og hljómsveitina Change sem þar var að rækta garðinn sinn í útlandinu.

Bárður Örn Bárðarson

Ef þið hafið upplýsingar, sendið á:
hammond@simnet.is

Uppfært 19-04-07