HR. HAMMOND
   Farfisa professional
clockhere
Flettingar í dag: 1016
Gestir í dag: 55
Flettingar í gær: 1207
Gestir í gær: 61
Samtals flettingar: 6499712
Samtals gestir: 334280
Tölur uppfærðar: 15.12.2018 12:46:05

Sign

Sign (Byrjuðu undir nafninu Halim) 2000-
Ragnar Sólberg Gítar, Söngur 2000- (02-12-86)
Hörður Stefánsson - Gítar 2000-2002
Egill Örn Rafnsson - Trommur 2001-
Sigurður Ágúst - Bassi 2001-2003
Baldvin Freyr - Gítar 2001-2004
Addi G. - Gítar 2004-
Silli Geirdal - Bassi 2004-


Egill-Addi-Ragnar-Silli
 
 
 1. LP Vindar og breytingar 2001 (R&R Music)
 
 
 2. LP Fyrir ofan himininn 2002 (nóvember R&R Music)
 
 
 3. EP Sign 2004 (R&R Music)
 
 
 4. LP Thank god for silence 2005 (október R&R Music)

 
 5. EP So pretty 2006 (R&R Music)

 
 6. LP The hope 2007 (nóvember R&R Music)

Um Sign

Sign hefur sent frá sér þriðju breiðskífuna sína, Thank God for Silence.

Sign á rætur að rekja í hljómsveit sem var stofnuð árið 2000 af Herði Stefánssyni og Zolberg sem hét Halim. Takmarkið með stofnun sveitarinnar var að rústa músiktilraunum. Þeir Sigurður Ágúst (sem hafði verið með Hödda og Ragnari í harðkjarna bandinun Egosmile) og trommarinn Egill Örn bættust í sveitina 2001.

Halim tók upp fjögur lög í stúdíóinu "Vindar og breytingar" sem Zolberg hafði sett upp í kringum átta rása stafræn upptökutæki í kjallaranum heima hjá sér. Þessi lög enduðu að frumburði Sign sem einnig bar nafnið "Vindar og breytingar". Prufutökur Halims á lögunum sem fylgdu umsókninni í keppni músiktilrauna voru HALIM, Vindar og breytingar, Cassandra og Mínar eigin tilfinningar. Hljómsveitin gekk æfingalaus og sjálfsörugg til verks og hafnaði í 2. sæti í keppninni en gítarleikarinn Zolberg var valinn besti söngvari keppninnar.

Í framhaldi af keppninni breytti svetin um nafn og hefur kallað sig Sign allar götur síðan. Farið var í Rabbeyroad stúdíóið sem var í eigu Rafns heitins Jónssonar pabba Zolber og Egils. Vindar og breytingar fæddist sem 12 laga plata og kom út fyrir jólin 2001. Baddi gítarleikari (Baldvin Freyr) hafði þá bæst í hópinn.

Tvö lög fór í útvarpsspilun og fór Cassandra í fyrsta sæti á "pepsi rokk" listanum. Myndband sem gert var við lagið Mínar eigin tilfinningar (lag dauðans) fékk spilun á Popp tíví og Sign var útnefnd bjartasta vonin á Íslensku tónlistarverðlaununum og mörkuðu þannig fótspor í íslenska tónlistarsögu.

Svo leið langur tími og lítið gerðist hjá stráknum í Sign nema hjá Ragnari og Badda sem duttu í það saman, hlustuðu á alvöru metal og spiluðu á gítar. Smám saman mynduðu þeir sinn eigin stíl sem fékk heitið rx/bad. Sumarið 2002 var fullt af lögum tilbúinn og tími myndaðist til að fara að spila aftur. Höddi hafði þá yfirgefið grúppuna en Sign fóru í Rabbeyroad aftur og tóku upp "Fyrir ofan himininn" sem einkennist af meiri greddu, fleiri gítarsólóum og meiri metal heldur en fyrri plata þeirra. Haldið var upp á gripinn fyrir troðfullu húsi í Austurbæ 29. nóvember 2002.

Árið 2003 tók Sign upp þriggja laga demó í Stúdóí Íslands sem var í eigu Birkirs Rafns og Egils Arnar. Á meðal laganna á kynningardisknum voru Thank God for Silence sem fékk góða spilun í útvarpi. Upp úr þessu kom ómeðvituð pása hjá hljómsveitinni sem varð til þess að Sigurður Ágúst bassaleikari hætti.

Zolberg og Egill fóru í stúdíópælingar og unnu í hliðarverkefnum ásamt því að klára síðustu plötuna sem pabbi þeirra sendi frá sér, en hann lést úr hrörnunarsjúkdómnum MND 4. júlí 2004. Rabbi barðist við hrörnunarsjúkdóminn í 17 ár en varði miklum tíma í stúdíóinu sínu og stjórnaði meðal annars upptökum á báðum fyrstu plötum Sign. Minning hans er hvatning til að gera Sign að lífstíl og skapa skrímsli sem lætur heiminn finna fyrir sér.

Í kjölfarið gerði hljómsveitin kynningardisk og kom fram á Kerrang! kvöldinu á Iceland Airwaves 2004, með nýjum meðlimum þeim Adda G. (úr Lizark) á gítar og Silla Geirdal (úr Dimmu) á bassa. Í framhaldi gerði Sign samning við umboðsskrifstofu í Bretlandi og þreifingar byrjuðu á að finna góðan hljóðupptökustjóra til að vinna að góðum kynningardiski.

New Yorkarinn Mark Plati kom síðan til Íslands ásamt vini sínum og gítarleikaranum Earl Slick. Saman eyddu þeir viku í ágúst í stúdíói með Sign og gerðu þrjú lög með þeim: A Little Bit, Breathe og Thank God for Silence.

Í beinu framhaldi af því gaf Sign út plötuna Thank God for Silence, sem kom út í byrjun október. Fingraför Marks og Earls eru greinanleg í lögum þar sem þeir gripu einnig í hljóðfæri en fyrst og fremst voru þeir innblástur fyrir það sem framundan er sem er undirbúningur fyrir að sigra ný lönd.

SIGN skrímslið er tilbúið, reitt, gratt og hávært og lætur engan sem kemst í tæri við það ósnortinn.

Tekið af heimasíðu hljómsveitar.

Ef þið hafið upplýsingar, sendið á:
hammond@simnet.is

Uppfært 25-05-08