HR. HAMMOND
   Farfisa professional
clockhere
Flettingar í dag: 191
Gestir í dag: 38
Flettingar í gær: 390
Gestir í gær: 56
Samtals flettingar: 6496669
Samtals gestir: 334086
Tölur uppfærðar: 12.12.2018 04:05:51

Írafár

Írafár febrúar 1998-
Vignir Snær Vigfússon - Gítar, Söngur, Mandólín, Raddir 1998-
Sigurður Rúnar Samúelsson - Bassi 1998- (11-01-73)
Þorsteinn Aðalbjörnsson - Trommur 1998-2001
Helgi Jónsson - Hljómborð 1998-1999
Kenneth - Söngur 1998
Hjörtur Freyr Vigfússon - Slagverk, Söngur 1998-1999
Íris Kristinsdóttir - Söngur 1998-1999
Birgitta Haukdal - Söngur 1999- (28-07-79)
Þorbjörn Sigurðsson - Hljómborð, Gítar 1999-2001
Jóhann Bachmann Ólafsson - Trommur 2001-2005
Andri Guðmundsson - Hljómborð 2001-
Arnar Þór Gíslason - Trommur 2005-


Birgitta-Viggi-Siggi-Andri-Addi
 
 
 1. LP Allt sem ég sé 2002 (Skífan)
 
 
 2. LP Nýtt upphaf 2003 (Skífan)
 
 
 3. LP Írafár 2005 (Sena)
 
 
 4. EP. Ég missi alla stjórn 2005 (Sena)
 
 
 5. EP. Alla tíð 2005 (Sena)
 
 
 6. EP. Leyndarmál 2005 (Sena)
 
Írafár

Saga Írafárs hófst í febrúar 1998 þegar Viggi og Steini, sem höfðu eitthvað verið að myndast við að spila í hljómsveit, langaði að stofna alvöru hljómsveit sem mundi einbeita sér að ballmarkaðnum. Þeir höfðu samband við Sigga bassaleikara sem þeir könnuðust við frá einu þorrablótsgiggi árið áður og var hann meira en til í að ganga til liðs við þá félaga. Þegar þar var komið við sögu var kjarninn kominn sem myndar bandið í dag. Þó var nú ekki fullskipað í bandið og hófst leit að hljómborðsleikara. Steini hafði verið í hljómsveit með öldnum manni sem svaraði nafninu Helgi gamli ( þegar hann hafði kveikt á heyrnartækinu) fyrir austan fjall á árum áður og hóaði Steini í hann á æfingu og maðurinn var ráðinn á staðnum eftir ítarlegar prófanir á getu á hljómborðið, húmor og öðrum nauðsynjum. Nú vantaði bara eitt, söngvara eða söngkonu til að syngja með Vigga. Auglýst var risa "audition" í öllum dagblöðum landsins og boðuðu komu sína ýmsir aðilar úr öllum áttum og á öllum aldri. Hljómsveitarmeðlimir höfðu einstaklega gaman af þessu öllu saman og ákváðu eftir umhugsun að ráða söngkonu, Írisi í bandið. Enn voru menn ekki sáttir við skipanina og réðu elsta bróðir hans Vigga, Hjört sem hafði spilað með ýmsum böndum fyrir austan fjall við góðan orðstír og var hann ráðinn á slagverk og sem söngvara. Þar með var bandið loksins fullskipað og hóf spilamennsku víða. Ekki var ráðist á garðinn þar sem hann er lægstur því annað giggið var sjálf Þjóðhátíðin í Eyjum þar sem bandið sló fyrst í gegn Nú tíminn leið og á haustdögum 1999 ákváðu Hjörtur og Íris að yfirgefa bandið og leita á önnur mið og var strax farið í það að ráða söngkonu en slagverkshlutverkið var lagt niður. Nýja söngkonan hún Birgitta var ráðin á undraskömmum tíma og var haldið áfram bullandi spilamennsku í byrjun ársins 2000 og um sumarið það ár kom út fyrsta lag hljómsveitarinnar "Hvar er ég?" og sló rækilega í gegn. Gott dæmi um hvað hljómsveitin er góð uppeldisstöð fyrir heilbrigða og heilsteyypta einstaklinga er þegar Helgi ákvað að taka tilboði um að gerast skólastjóri Grunnskóla úti á landi og þar með að hætta í hljómsveitinni. Ekki var slíku stóru skrefi í frama gamals manns andmælt og var hafist handa við að ráða annan hljómborðsleikara og fannst hann einnig á undraskömmum tíma. Tobbi nokkur verkfræðinemi var ráðinn bæði á hljómborð og gítar og fell eins og flís við rass í hópinn.

Í byrjun árs 2001 var hljómsveitin valin ferskleiki ársins á hlustendaverðlaunum FM 957 og voru meðlimir ansi stoltir af þeirri nafnbót. Stuttu eftir það eða í Apríl kom út lagið Fingur sem náði gríðarlega miklum vinsældum um sumarið. Það ásamt laginu Eldur í mér voru gefin út á safnplötunni Svona er sumarið 2001.

Þáttaskil urðu í sögu bandsin á haustmánuðum 2001 þegar Steini trommari og Tobbi hljómborð sögðu skilið við sveitina. Trommari var ráðinn snarlega og koma það í hlut gamla skímó trymbylsins Jóhanns Bachman. Þar þurfti ekki að leita langt yfir skammt því að hann var kærastinn hennar Birgittu. Hljómborðsleikarinn var aðeins vandfundnari og munaði minnstu að bandið myndi syngja "The Final Countdown" það sem eftir væri. En eftir nokkurra vikna leit fannst ungur og efnilegur hljómborðsleikari, Andri Guðmundsson. Hann hafið þá lítið spilað með ball-hljómsveitum þar sem hann hafði varla aldur til að fara sjálfur á skemmtistaði. Þeir Hanni og Andri smullu vel og gat bandið nú haldið áfram eins og ekkert hefði í skorist. Þá þegar var hafist handa við að taka upp frumsamið efni og voru 12 demó kláruð fyrir jól.

Árið 2002 byrjaði svo sannarlega vel hjá hljómsveitinni. Birgitta var kosin kynþokkafyllsta konan af hlustendum FM957, tilnefnd söngkona ársins á Íslensku tónlistarverðlaununum og kosin söngkona ársins á hlustendaverðlaunum FM957 í febrúar. Í febrúar gerði hljómsveitin einnig plötusamning við Skífuna og upptökur á plötunni fóru þegar af stað. Í mars voru lögin sem koma út sumarið 2002 tekin upp og kom lagið "Ég sjálf" fyrst út. þau fórum svo snarlega upp í Hvalfjörð og tóku upp myndband sem fór svo strax í spilun. Á PoppTíví. Í maí 2002 voru svo undirritaðir samningar við Bylgjuna og voru Írafár allt sumarið 2002 með í Golfmótaröð Bylgjunnar.

Árið 2002 fór ótrúlega vel af stað og var hljómsveitin í feitum gír á "túrnum" allt sumarið.

Árið 2003 gáfu þau svo út plötuna Nýtt upphaf og spiluðu út um allt í kjölfarið. Tveimur árum seinna eða 2005 var svo gefin út plata númer 3 samnefnd sveitinni og á henni spilar Addi trommari sem gekk til liðs við sveitina það sama ár, henni var fylgd eftir en í byrjun árs 2006 hefur bandið legið í dvala. Andri stakk af til Danmerkur í nám en aðrir liðsmenn hennar hafa samt verið iðnir við kolann í tónlist

Tekið af tonlist.is / Seinustu klausuna skrifaði ég sjálfur.

Ef þið hafið upplýsingar, sendið á:
hammond@simnet.is

Uppfært 02-09-09