HR. HAMMOND
   Farfisa professional
clockhere
Flettingar í dag: 491
Gestir í dag: 70
Flettingar í gær: 294
Gestir í gær: 58
Samtals flettingar: 6495615
Samtals gestir: 333920
Tölur uppfærðar: 9.12.2018 18:36:15

Egó

Egó (fyrsta giggið 10. október 1981) 1981-1984 / 2003-
Ásbjörn Kristinsson Morthens (Bubbi) - Söngur September 1981 - Mai 1984 / 2003- (06-06-56)
Bergþór Morthens - Gítar September 1981 - Mai 1984 / mai 2008 (22-08-59)
Þorleifur Guðjónsson - Bassi September 1981 - September 1982 (18-12-56)
Jóhann Mótorhed Richard - Trommur Október 1981- Febrúar 1982
Ragnar Sigurðsson - Gítar Október 1981 - Febrúar 1982
Magnús Stefánsson - Trommur Febrúar 1982 - Mai 1983 / 2003-2007
Rúnar Erlingsson - Bassi September 1982 - Mai 1984
Jökull Úlfsson - Trommur Mai 1983 - Hættur seinni parts árs 1983
Gunnar Rafnsson - Hljómborð Mai 1983 - Hættur sama ár
Jakob Smári Magnússon - Bassi 2003-
Hrafn Thoroddsen - Hljómborð 2003-
Einar Þór Jóhannsson - Gítar 2003-2006
Arnar Geir Ómarsson - Trommur mai 2008-


Rúnar-Bubbi-Maggi-Beggi
 
 
 1. LP Breyttir tímar, 1. apríl 1982 (Steinar) 25 ára afmælisútgáfa, júlí 2007 (Íslenskir tónar / Sena)
 
 
 2. LP Í mynd 1982, 17. nóvember (Steinar) 25 ára afmælisútgáfa, júlí 2007 (Íslenskir tónar / Sena)
 
 
 3. LP Egó, 25. apríl 1984 (Steinar)
 
 
 4. LP Frá upphafi til enda 2001 (Skífan)

 
 5. LP 6. október 2009

Þegar minnst er á hljómsveitina Egó er það varla hægt nema Utangarðsmenn komi þar við sögu, enda saga sveitanna samofin sterkum böndum, því um tíma voru þrír meðlimir síðarnefndu sveitarinnar meðlimir Egósins. Það má segja að með Utangarðsmönnum hafi einstaklingarnir orðið þekktir, en með Egóinu urðu þeir vinsælir. Það nægir í þessu sambandi að nefna að fyrsta plata Egósins sat lengur á topp 10 yfir söluhæstu plötur landsins en allar plötur Utangarðsmanna áður samanlagt. Eða eins og einn aðdáandi orðaði það: Egóið! - hún var æðisleg, Utangarðsmenn! - ég var skíthrædd við þá.

Þegar Bubbi hafði sagt skilið við Utangarðsmenn haustið 1981 stóð hann einn eftir. Aðrir meðlimir héldu áfram samstarfi sínu undir nýju nafni. Bergþór Morthens, bróðir Bubba og æskufélagi þeirra Þorleifur Guðjónsson bassaleikari voru að fikta við tónlist í kjallaraíbúð í vesturbænum. Bubbi leit þar við og út frá því innliti varð hljómsveitin til, en nafngiftin var bein tilvitnun í þær sögusagnir að Bubbi væri eitt stórt ,,egó?. Trommari var ráðinn Jói ,,Mótorhed? auk gítarleikarans Ragnars Sigurðssonar (áður í Tívolí) er sveitin hélt í jómfrúarferð sína um landið. En þeir voru báðir horfnir á braut er fyrsta afurð sveitarinnar var hljóðrituð. Þá var genginn til liðs við bandið Magnús Stefánsson fyrrum trommari Utangarðsmanna og Bodies þá var Tómas Tómasson fenginn sem sessionmaður á hljómborð auk þess að stjórna upptökum. Tilkoma Magnúsar þótti breyta sveitinni verulega og það til batnaðar enda talinn einn besti trommari landsins á þessum tíma. Platan Breyttir tímar, sem út kom 1. apríl 1982, varð ein vinsælasta plata sem út hafði komið í íslenskri dægurlagasögu. Sem dæmi má nefna að þann 16. apríl 1982 skaust platan beint í annað sæti listans yfir 10 best seldu plöturnar hér á landi. Á þeim lista hélt platan sig í 19 vikur samfleytt. Þrátt fyrir sterkar melódíur og léttleika laglínunnar, þótti platan bera dulúð. Þar sem gagnrýnendur sögðust greina sterk Doors áhrif, sér í lagi í textagerðinni, enda titill eins lagsins bein tilvitnun í söngvara þeirrar sveitar. Í kjölfar plötunnar var haldið í aðra hringferð um landið til tónleikahalds og ráðinn sérstakur hljóðmaður, Bjarni Friðriksson sem starfaði með sveitinni upp frá því. Í september sama ár urðu enn ein mannaskiptin í bandinu er Þorleifi Guðjónssyni var vikið úr sveitinni. Í hans stað kom Rúnar Erlingsson sem áður hafði starfað í Utangarðsmönnum. Þessi mannskipti breyttu sveitinni ekki svo útá við, kannski meira móralst innan sveitarinnar. Nokkrum dögum síðar var haldið í hljóðver á nýjan leik. Auk Tómasar Tómassonar var nú og til aðstoðar Louis Austin sem unnið hafði talsvert með breskum rokksveitum eins og Judas Priest, Gillan, Associates og fleirum. Platan Í Mynd var hljóðrituð og gefin út í nóvember 1982. Tónlistarlega þótti hún vandaðri, meira lagt í útsetningar og bandið allt mun þéttara. Dulúðin sveif þó enn yfir vötnum og hafði magnast ef eitthvað var. Bubbi hélt áfram sólóferli sínum í hjáverkum en lausir tímar voru þó varla margir því sveitin var bókuð svo til hvert kvöld.

Snemma árs 1983 gaf Bubbi sér þó tíma til að skjótast í hljóðver og taka upp plötuna Fingraför en finna má lög á þeirri plötu er höfðu verið á tónleikaprógrammi Egósins. Í maí 1983 hélt Egóið í tónleikaferð til Norðurlandanna. Rétt áður en lagt var af stað tilkynnti Maggi trommari að hann færi ekki og sagði sig úr sveitinni. Í hans stað var ráðinn Jökull Úlfsson auk þess sem Gunnar Rafnsson var fenginn á hljómborð. Þrátt fyrir allt gekk þessi ferð vonum framar og var sveitinni feiki vel tekið þar sem hún lék, reyndar svo að henni var boðin samningur ytra sem þó var aldrei tekið. Gagnrýnendur töldu brotthvarf Magga trommara veikja bandið, en Jökull skylaði þó sínu. Árið 1984 var haldin Norræn rokkhátíð hér á landi og meðal þeirra sem komu hingað til lands til leiks á þá hátíð var sænska hljómsveitin Imperiet. Góður kunningsskapur myndaðist milli meðlima hennar og Bubba. Sá kunningskapur átti síðar eftir að koma Bubba vel. En aftur að Egóinu, því í ársbyrjun 1984 hafði risið upp ágreiningur innan sveitarinnar og svo við útgefendur hennar. Egóið var samningsbundn og áttu eftir að skila einni plötu sem og var gert með plötunni Egó, sem unnin var undir heitinu Bless, á mettíma í mars 1984. Þetta vinnuheiti segir allt sem segja þarf í allri merkingu þess orðs. Þá voru aðeins eftir þrír meðlimir innan sveitarinnar og var fenginn til aðstoðar Ásgeir Óskarsson á trommur. Eftir útkomu plötunnar sem fékk fremur slaka dóma gagnrýnenda, lagði Bubbi land undir fót og hélt á vit æfintýra í appelsínuríkinu Ameríku. Það töldu því flestir að blómlegum tímum Bubba og Egósins væri lokið. Það tóku eflaust ekki margir eftir lítilli frétt í DV 23. júní 1984 þess efnis að eftir brotthvarf Bubba hefði Egóið ákveðið að breyta um heiti og taka upp nafnið Óþekkt ánægja. Liðskipan þeirrar sveitar var Rúnar, Bergþór og Gunnar sem allir höfðu verið í Egóinu og nýjir í hópinn kæmu þeir Sævar (úr Spilafíflum) og Bergsteinn (úr Jonee Jonee) sá fyrrnefndi ætlaði að þenja raddböndin en sá síðarnefndi lemdi húðir. Fram kom í áðurnefndri frétt að æfingar væru hafnar fyrir þónokkru og ekki yrði þess langt að bíða að sveitin opinberaði sig. Það hafði staðið til að sveitin kæmi fram á sérstakri hátíð á vegum útgáfufyrirtækisins Steinar en á síðustu stundu hafi sú áætlun breyst.
Óþekkt ánægja stóð fyllilega undir nafni því lítið fór fyrir sveitinni og fyrr en varði hurfu meðlimir hennar hver í sína átt. Það var kannsi ekkert svo dramatískt, hvorki við stofnun né starfslok Egósins. En öðru máli gegnir um tónlist sveitarinnar og framsetningu hennar. Sú dramatík og dulúð mun lifa í íslenski tónlistarsögu um ókoma framtíð.

Egó á annari öld
Árið 2001 kom svo út safnplatan Frá upphafi til enda. þar sem finna mátti nokkur af vinsælustu lögum sveitarinnnar af plötunum þrem, auk hljóðversupptöku lagsins Sat ég inn á Kleppi, en það lag hafði sveitin flutt í tónleikaútgáfu á plötunni Rokk í Reykjavík (1982). Titill þessarar safnplötu var kannski tímaskekkja því sögu Egósins var ekki lokið.

Árið 2003 tilkynnti Bubbi að Egóið væri að koma saman á ný. Hjörtu margra tóku aukaslag við tíðindin og sitt sýndist hverjum, efasemdarraddir fengu sinn hljómgrunn og miklar getgátur flugu manna á milli um væntanlega liðskipan Egósins. Bubbi tilkynnti þó fljótlega að ekki væri um eiginlega endurkomu að ræða heldur nýja útgáfu Egósins. Enda kom á daginn að Bubbi var sá eini af upprunalegu liðskipan sveitarinnar. Aðrir Jakob Magnússon bassi, Magnús Stefánsson trommur Hrafn Thoroddsen orgel og Einar Þór Jóhannsson gítar. Eftir að hafa komið fram í nokkur skipti hefur sveitin allt til þessa dags starfað með hléum. Ekki hefur þessi nýja liðskipan sveitarinnar enn sent frá sér efni, þrátt fyrir að sá orðrómur hafi öðru hvoru komist í fjölmiðla að sveitin sé á leið í hljóðver til upptöku á nýju efni.

Þargar ákveðið var að setja saman stórtónleika í Laugardalshöllinni í tilefni 50. ára afmælis Bubba þar sem allar sveitir kappans kæmu fram var hóað í gamala Egó-meðlimi sem að sjálfsögðu höfnuðu ekki góðu partý frekar en fyrri daginn og mættu á svæðið. Þarna voru þeir komnir saman Bubbi, Beggi, Þorleifur og Maggi auk þess sem Hrafn Thoroddsen stóð við hljómborðið. Fjögur lög frá þessum tónleikum kom svo út á DVD og lokuðu tvöföldu CD plötunni sem gefin var út með efni þessara tónleika.

Árið 2007 voru liðin 25 ár frá því Ego sendi frá sér sínar tvær fyrstu plötur og að því tilefni voru þær báðar endurútgefnar í viðhafnarútgáfum. Þar höfðu stafræn gæði verið bætt, skotið inn aukalögum. Ritaður inngnagur er fjallaði um sögu þessara platna og að auki mátti finna nokkrar áður óbirtar myndir af sveitinni. En nokkru áður en þær plötur komu út gengu þær sögur að síðasta útgáfa Egósveitarinnar hefði slitið samstarfi sínu og sagði saga götunnar að enn og aftur hefði það legið fyrir að söngvarinn og trommuleikarinn hefðu bara ekki náð að vinna saman frekar en fyrri daginn og kannski bar sveitin bara nafnið með réttu, - Egóið hafði orðið Egó að falli.

En Bubbi var ekki hættur. Í apríl 2008 bárust þær fréttir að Egóið kæmi saman á ný. Nú með Begga Morthens innanborðs ásamt Bjössa trommuleikara rokksveitarinnar Mínus, en sú sveit var á leið í tónleikaferð á erlenda grund í byrjun maí. Var áætlað að Bjössi yrði til í slaginn á fyrirhugðum tónleikum 17. maí á Nasa. Ekki hafði þetta fyrr verið opinberað en breyting varð á. Bjössi átti ekki heimangengt og til að bjarga málum var hóað í þann sem Bubbi hafði starfað með hvað mest undanfarið Arnar Geir Ómarsson. Með þessa liðskipan hófurst æfingar fyrir áðurnefnda tónleika á NASA v/Austurvöll. Tónleikarnir þóttust takst vel og svo er eins og ávalt með þessa sveit Sveitin birtist aftur á ljósnótt í Reykjanesbæ snemma í ágúst 2008 og náði að venju rífandi stemmingu. Í árslok 2008 kom sveitin fram á Dansleik á Players í Kópavogi og var þá orðið langt liðið frá því söngvarinni Bubbi Morthens hafði tekið þátt í slíkri samkomu. Í ársbyrjun 2009 boðaði sveitin að hún ætlaði að senda frá sér plötu um sumarið og þegar höfðu verið tekinn upp tvö lög fyrir skífuna. Annað þeirra "Kannski varð bylting vorið 2009" var hápólitískt lag og samið um það þjóðfélagsástand sem ríkti. Lagið var sett í spilun sama dag og það var fullklárað og nokkrum dögum síðar í sölu á tónlist.is. Um miðjan febrúar fór annað lag frá sveitinni í spilun útvarpsstöðvanna og í sölu á tónlist.is; Í hjarta mér. Lagið tók flesta vinsældalista landsins með trompi og náði þar efstu sætum t.d. Laglistans, Rásar 2 og Bylgjunnar. Um líkt leiti var ákveðið að fresta útkomu plötunnar til haustsins. En fram til haustsins sendi sveitin frá sér ein sex lög áður en platan sjálf kom út. Platan sem hlaut heitið 6. október kom út þann dag árið 2009. Þar mátti finna 11 lög og þá ljóst að lögin Kannski varð bylting voið 2009 og Eyjan græna voru utan hennar. 6. október setist óðar í efsta sæti söluhæstu platna landsins.

Tekið af bubbi.is

Uppfært 07-03-10