HR. HAMMOND
   Farfisa professional
clockhere
Flettingar í dag: 1017
Gestir í dag: 43
Flettingar í gær: 501
Gestir í gær: 63
Samtals flettingar: 6498506
Samtals gestir: 334207
Tölur uppfærðar: 14.12.2018 06:24:27

Kikk

Kikk 1982-1984
Sigríður M. Beinteinsdóttir - Söngur 1982-1984
Sveinn Kjartansson - Bassi 1982-1984
Gunnar Rafnsson - Hljómborð 1982-mai 1983
Nikulás Róbertsson - Hljómborð 1983-1984
Guðmundur Jónsson - Gítar 1982-1984
Sigurður (Silli) Helgason - Trommur 1982-1983
Jón Björgvinsson - Trommur
1983-1984

    
                                Sigríður M. Beinteinsdóttir

 
 1. LP Kikk 1984 (Steinar)

Tónlist af hljómdisknum KIKK

1) Try for your best friend - Spila lagið
(Nikulás Róbertsson/Pétur Helgason)
2) Is this the future - Spila lagið
(Kikk/Pétur Helgason)
3) Looking for someone - Spila lagið
(Guðmundur Jónsson/ Guðmundur Jónsson,Albert Icefield)
4) It´s a war - Spila lagið
(Guðmundur Jónsson)
5) Victims - Spila lagið
(Guðmundur Jónsson)
6) Pictures - Spila lagið
(Guðmundur Jónsson)


Kikk var stofnuð árið ´82. Ég hafði verið að spila með Sveini Kjartanssyni bassaleikara og Sigurði Helgasyni trommuleikara í bílskúrsbandi í Kópavoginum ásamt lífskúnsternum Jójó (er síðan varð heimsfrægur á Íslandi fyrir að hafa tekið lagið með Bruce Springsteen á Strikinu í Kaupmannahöfn).

Ég og Svenni fórum á Músiktilraunir í Tónabæ og sáum þar unga og stórglæsilega söngkonu, spila og syngja með hljómsveitinni Meinvillingarnir. Við heilluðumst þar strax af Siggu og lögðum á ráðin að ræna henni til okkar (Jójó var líka að hlaupa úr skaftinu), enda vorum við í hreinskilni sagt miklu betri hljóðfæraleikarar en drengirnir í Meinvillingunum.

Sigga sló til og skömmu seinna slóst Gunnar Rafnson til liðs við okkur á hljómborð. Markið var sett hátt og stífar æfingar hófust í bólsturgerð í Kópavogi.- Ég hef aldrei fyrr né síðar æft eins mikið og með þessari hljómsveit og ef það er eitthvað sem hefur kennt mér að spila í hljómsveit, þá var það þessi törn..

Á hverju kvöldi í marga mánuði, sömu lögin aftur og aftur, sem varð auðvitað til þess að við urðum drulluþétt. Við æfðum bæði frumsamið efni og ábreiður og spiluðum þar sem við fengu inni. Pétur Kristjánsson stórpoppari kíkti í æfingahúsið eitt kvöldið en hann starfaði þá hjá Steinari hf. sem var aðalútgefandinn á klakanum á þeim tíma.

Honum leist vel á og kom með gamlan stríðsfélaga sinn úr hljómsveitinni Start, Nikulás Róbertsson, hljómborðsleikara og lagasmið, í púkkið því Gunnari hljómborðsleikara hafði verið boðið í Egó stuttu áður.
þá hafði Jón Björgvinsson tekið við trommukjuðunum af Silla.
Með þessari skipan hljómsveitarinnar var æft grimmt og eftir góða frammistöðu á tónleikum sem við spiluðum í Klúbbnum sáluga ásamt hljómsveitunum Q4U og Deild 1, fengum við samning við Steinar hf.

þetta var árið ´83 og okkur fannst við himinn höndum tekið hafa. Tómas Tómasson, bassaleikari Stuðmanna og Sigurður Bjóla voru fengnir til að taka upp og koma skikk á lögin. Upptökur gengu ágætlega miðað við að flest okkar höfðu aldrei áður í hljóðver komið og við vorum ansi lukkuleg með afraksturinn.

Útgáfa plötunnar frestaðist hins vegar og virtist eins og Steinars menn vissu ekki hvað ætti að gera við gripinn. Á þessum tímapunkti var komin mikil spenna í bandið og þá aðallega á milli mín og Siggu (gítar vs. söngur - alltaf sama vesenið!).

Vildi ég leggja höfuðáherslu á að æfa frumsamið en restin var búin að fá nóg af öllum æfingum og vildi uppskera frekar af sívaxandi vinsældum sveitarinnar á sveitaböllum, með tilheyrandi ábreiðu-spilamennsku.

þetta gekk samt í einhvern tíma þangað til að upp úr sauð í Viðey, verslunamannahelgina´84. þar mætti ekki kjaftur, bandið búið að fjárfesta í fokdýrum græjum og mórallinn í sögulegu lágmarki.

Ég og Jón trommari sáum fyrir okkur gjaldþrot og almennan aumingjaleik og hrundum við í það með hressum strákum úr hljómsveitinni Toppmenn, þar á meðal þeim Stefáni Hjörleifsyni og Jóni "góða" Ólafssyni, sem síðar varð örlagavaldur í minni poppsögu (...og verðandi kynþokkafyllsti maður landsins).

Ég gat auðvitað ekki rassgat spilað um kvöldið og var sendu í land með næsta bát. Daginn eftir hringdi bassaleikarinn Sveinn Kjartansson í mig og rak mig. Mikið áfall - og ég fór norður til Skagastrandar, fór á sjóinn og sleikti sár mín bitur, um leið og ég hlustaði á lögin mín hljóma í Óskalögum sjómanna, því þau jólin ´84 var platan loks gefin út við ágætis viðtökur.

Skrifað af Guðmundi Jónssyni.

Ef þið hafið upplýsingar, sendið á:
hammond@simnet.is

Uppfært 05-10-08