HR. HAMMOND
   Farfisa professional
clockhere
Flettingar í dag: 1016
Gestir í dag: 55
Flettingar í gær: 1207
Gestir í gær: 61
Samtals flettingar: 6499712
Samtals gestir: 334280
Tölur uppfærðar: 15.12.2018 12:46:05

Helgi og hljóðfæraleikarnir

Helgi og hljóðfæraleikararnir
Meðlimir:
Helgi og hljóðfæraleikararnir

 




1. LP Landnám, nóvember 1990


2. LP Helgi og hljóðfæraleikararnir, vor 1992


3. LP Endanleg hamingja, jól 1998


4. LP Bréf til Stínu, jól 1999


5. LP Launblót í 1000 ár, sumar 2000


6. EP Græni fuglinn


7. LP Til Afríku - Blús og barnagælur


8. LP Týnda platan


9. LP Ég veit hvað þú gerðir um síðustu jól


10. LP Meira helvíti

Saga Helga og hljóðfæraleikaranna

Það var á skólaárum elstu meðlima hljómsveitarinnar Helga og hljóðfæraleikaranna sem hún leit dagsins ljós í fyrsta sinn. Í þá daga hafði heimsbyggðin aldrei heyrt um þráðlausa míkrófóna, en H&H var talsvert á undan sinni samtíð og söng í snúrulausan míkrófón og barði á trommur með herðatrjám. Af óskiljanlegum ástæðum fór hljómsveitin að semja lög, löngu áður en hún kunni á hljóðfærin sín, og því hefur hún bara ekki getað hætt síðan.

Það var því aðeins spurning hvenær sveitin myndi gefa út sitt eigið efni, sköpunargleðin var þvílík, enda dugði ekkert minna en að gefa út rokkóperu um landnám Íslands í fyrstu tilraun. Sú útgáfa var þó bara æfing fyrir það sem koma skyldi, því nokkrum mánuðum seinna var fyrsti geisladiskurinn tekinn upp og hlaut nafnið Helgi og hljóðfæraleikararnir. Diskurinn var valinn einn af 10 bestu diskum ársins af poppsérfræðingi dagblaðsins Dags og seldist vel en fékk litla spilun í útvarpi. Stuttu síðar tvístraðist bandið út um allar tryssur og ekkert útlit var fyrir frekara samstarf.

En öll vötn hafa alltaf runnið til Eyjafjarðar og því varð ekki hjá því komist að bandið hittist á ný og tæki aftur upp þráðinn þar sem frá var horfið. Segja má að hljómsveitin hafi endurfæðst kvöld eitt í torfbæ, sem kallaður er Íslandsbærinn. Þetta var um jól, tveimur vetrum fyrir aldamót, norðanstórhríð og færðin eftir því og áhorfendur voru svona 2-3, þar til tónleikarnir voru rétt að byrja, en þá fylltist húsið skyndilega. Stemningin á tónleikunum sem báru yfirskriftina "Andvarp alþýðunnar" var geysigóð, hljómsveitin "ótengd" og búin að bæta við sig fiðlu og þverflautu og áhorfendur ætluðu aldrei að geta haft sig á brott á eftir. Upp frá þessu hefur bandið spilað rafmagnað og órafmagnað á krám og í kotrössum hingað og þangað um landið, má þar helst nefna Kántríbæ, Siglufjörð, Hellna á Snæfellsnesi, Gamla Bæ í Mývatnssveit að ógleymdum búllum borgarinnar og höfuðstaðar Norðurlands.

Tekið af heimasíðu hljómsveitar.

Ef þið hafið upplýsingar, sendið á:
hammond@simnet.is

Uppfært 31-08-09