HR. HAMMOND
   Farfisa professional
clockhere
Flettingar í dag: 191
Gestir í dag: 38
Flettingar í gær: 390
Gestir í gær: 56
Samtals flettingar: 6496669
Samtals gestir: 334086
Tölur uppfærðar: 12.12.2018 04:05:51

Náð

Náð 1970-haust 1974
Rafn Ragnar Jónsson - Trommur 1970-1973 (08-12-54 D.04-07-04)
Reynir Guðmundsson - Söngur, raddir, gítar og þverflauta 1970-1973 með einu hléi á tímabilinu
Örn Ingólfsson - Bassi og raddir 1970-1973
Sigurður Rósi Sigurðsson - Gítar, söngur og raddir 1970-haust 1974
Örn Jónsson - Bassi, söngur og raddir 1973-haust 1974
Kristján Hallgrímur Sigurðsson - Trommur 1973-haust 1974 (látinn)
Svanfríður Arnórsdóttir - Söngur 1971-haust 1974 með einu hléi á tímabilinu
Ásgeir Ásgeirsson - Orgel, píanó, söngur og raddir 1971-haust 1974
Þetta er nokkurnveginn rétt segir Ásgeir Ásgeirsson


   Ásgeir Ásgeirsson-Rafn Jónsson-Svanfríður Arnórsdóttir-Rósi Sigurðsson-Örn Ingólfsson

Til eru nokkur prufuupptökur með sveitinni sem ekki hafa komið út.

Ég var í hljómsveitinni Náð á sínum tíma, og er ekki alveg sáttur við ártölin sem koma fram hjá þér. Þegar svona langt er um liðið, skolast svo sem margt til og lítið við því að gera,  en ég hef það þó alveg á hreinu að hljómsveitin hætti í byrjun september 1974 þegar ég fór í háskólann.
 
Ýr og Náð störfuðu báðar samtímis frá hausti 1973. Ég var í fyrsta útskriftarárgangi MÍ, vorið 1974, og fór í háskólann þá um haustið.
 
Ég mun hafa byrjað í Náð í janúar 1971 og þá voru Rabbi, Reynir, Rósi og Örn Ingólfs búnir að reka hljómsveitina frá hausti 1970. Vel að merkja þá var Rabbi ekki orðinn 16 ára og þurfti því sérstakt leyfi til að spila á böllum. Þarna var Reynir ekki byrjaður að nota gítar, sem hann gerði svo sennilega þetta árið.
 
Á þessum árum var margt í gangi. Við spiluðum mikið af lögum frá Grand Funk, Uriah Heep, Blodrock sem varla nokkur maður hefur heyrt minnst á, og svo bættist Svanfríður við sennilega haustið 1971, og þá bættum við við lögum sem kröfðust mikillrar röddunar - CSNY sem dæmi. Þarna vorum við orðin 6 með hörku band, mikla röddun og breitt lagaúrval. Við komumst líka upp með að spila lög með löngum jammköflum - gjarnan þar sem gítararnir rödduðu sólóin eða kölluðust á - virkilega gott band.  Síðan fór þetta að breytast.  Reynir tók sér frí, og svo fór Svanfríður í skóla á Laugarvatni, og þá vorum við orðnir 4 og svo gott sem söngvaralausir. Reynir kom svo inn aftur, en þegar Örn Ingólfs fór í nám til Danmerkur, kom Örn Jónsson í staðinn, og stuttu seinna fékk Rabbi boð um spilamensku sunnan heiða, sem hann gat ekki hafnað, og þá kom Hallgrímur Sigurðsson (látinn) í stað hans. Hallgrímur var bróðir Rósa. Svanfríður kom í stað Reynis og þannig vorum við fram á haust 1974.

þá man ég að við tókum upp nokkur frumsamin lög í miðri viku í Félagsheimilinu í Hnífsdal, þar sem við vorum að undirbúa ball. Þetta var 29.mars 1973 og þá vorum við 5 í hljómsveitinni.: Rabbi, Rósi, Örn Ingólfs, Reynir og Ásgeir. Þessa dagsetningu er ég alveg með á hreinu af sérstakri ástæðu. Þetta passar líka betur við það, að sú spilamenska sem Rabbi átti að fara í fyrir sunnan, gekk ekki upp, og hann kom til baka eftir stutta fjarveru og stofnaði þá Ýr, með Reyni sem þá var á lausu.

Af þessu eina albúmi vorum við með þessi 5 lög á prógramminu - og þetta var barið inn í fólkið.  Rabbi var snillingur í að grafa svona plötur upp

 1. It's a Sad World" - 4:26
 2. "Don't Eat the Children" - 3:17
 3. "Promises" - 3:11
 4. "Crazy 'bout You Babe" - 2:41
 5. "Rock & Roll Candy Man" - 3:09

Ásgeir Ásgeirsson

1970 stofnaði Rabbi ásamt Reyni Guðmundssyni söngvara þungarokkssveitina Náð sem starfaði til ársins 1974. Náð lék nokkuð á dansleikjum í nágrenni heimabygðar sinnar, en til eru nokkur demó með sveitinni en frumsamið efni var alltaf á dagsskrá sveitrarinnar. Auk annara voru í sveitinni Sigurður Rósi Sigursson, gítar og Örn Ingólfsson, bassi seinna bættust þau Svanfríður Arnórsdóttir söngkona og Ásgeir Ásgeirsson í hópinn. Árið 1972 yfirgáfu þeir Rabbi, Reynir og Örn sveitina en í þeirra stað komu Örn Jónsson, bassi og Hallgrímur Sigurðsson, trommur og hélt sá mannskapur sveitinni úti, allt þar til hún hætti haustið 1974.

Rafn Jónsson / Bárður Örn Bárðarson ásamt smá breytingum

Ef þið hafið upplýsingar, sendið á:
hammond@simnet.is

Uppfært 10-09-09