HR. HAMMOND
   Farfisa professional
clockhere
Flettingar í dag: 191
Gestir í dag: 38
Flettingar í gær: 390
Gestir í gær: 56
Samtals flettingar: 6496669
Samtals gestir: 334086
Tölur uppfærðar: 12.12.2018 04:05:51

Færslur: 2008 Nóvember

29.11.2008 01:56

Megas


Í góðri trú 1986 aukalög 2002
        1. Lóa Lóa
        2. Helmingurinn lygi
        3. Þú bíður (allavegana) eftir mér
        4. Löng eru þau lík
        5. Þú og ég
        6. Lítill fjólublár skódablús
        7. Undir rós
        8. Birta
        9. Fríða Fríða
      10. Táraborg
      11. Árstíð
            Aukalög:
      12. Lóa Lóa
      13. Helmingurinn lygi
      14. Löng eru þau lík
      15. Þú og ég
      16. Lítill fjólublár skódablús
      17. Undir rós
      18. Birta
      19. Fríða Fríða
      20. Helmingurinn lygi
           (Lög og textar: Megas)

Þetta er fyrsta plata Meistara Megasar eftir lang hlé og 7. platan og hann kemur með þvílíkum krafti að hálfa væri nóg. Lóa Lóa er eitt vinsælasta lagið af þessari plötu og var mikið spilað í útvarpi og er eitt hans vinsælasta lag. Verð líka að minnast á lögin Þú bíður (allavegana) eftir mér og Undir rós sem náðu líka miklum vinsældum. Svona á að koma í bransann aftur og sýnir bara að hann er engum líkur. Fær 5 af 5 stjörnum.


Loftmynd 1987 aukalög 2002
        1. Við Birkiland
        2. Björg
        3. Plastpokablús
        4. Skúli fógeti
        5. Á horninu
        6. Ástarsaga
        7. Magister Lyngdal
        8. Jón
        9. Nótt
      10. Enginn vegur fær
      11. Veinaðu úlfur úlfur
      12. Það sem best er
      13. Börn í borg
      14. Reykjavíkurnætur
      15. Björt ljós borgarljós
      16. Innréttingablús
      17. Fílahirðirinn frá Súrín
            Aukalag:
      18. Reykjavíkurnætur - demó
           (Lög og textar: Megas)

8. palatan inniheldur heil 17. lög er stútfull af meistara söngvum. Hægt er að nefna Við Birkiland og Björg og og svo hið geysivinsæla lag Reykjavíkurnætur. Fílahirðirinn frá Súrin er einnig stórslagari frá Meistara Megasi. Reykjavík var 200 ára um þessar mundir (reyndar ári áður) og átti þessi gripur að sýna hvernig Reykjavík er og ég held að Meisara Megasi hafi bara tekist vel ætlunarverk sitt og segji ég bara HÚRRA. Verð samt að láta 4 stjörnur af 5 duga í þetta sinn.

Framhald næstu daga.

25.11.2008 18:18

Megas


Nú er ég klæddur og kominn á ról 1978 aukalög 2002
        I. Þáttur - Largetto
        Morgunþema - Nú er ég klæddur - Vertu Guð faðir - Guð gaf mér eyra
        Tónlist Scott Gleckler - Elín Laxdal - danskt þjóðlag/Megas - íslenskt þjóðlag
        Texti Þjóðvísa - Hallgrímur Pétursson - þjóðkvæði

        II. Þáttur - Andante allegro
        Útgönguþema - Nú tjaldar foldin fríða
        Siggi var úti - Pisspiss og pelamál - Guttavísur - Það er leikur að læra
        Hann Tumi fer á fætur - Hættu að gráta hringagná - Aravísur
        Maðurinn með hattinn - Óli skans
        Tónlist Scott Glecker - norskt þjóðlag - Megas - Bellmann - þýskt lag -
        mozart - íslenskt þjóðlag - Ingibjörg Þorbergs - erlent lag - erlent lag
        Texti Þorsteinn Erlingsson - Jónas Jónasson frá Hrafnagili - gömul vísa
        Stefán Jónsson - Guðjón Guðjónsson - Freysteinn Gunnarsson - Jónas
        Hallgrímsson - NN - Stefán Jónsson

        III. Þáttur - Allegro scherzando
       
Þyrnirós - Í grænni lautu - Ugla sat á kvisti
        Inn og út um gluggan - Það búa litlir dvergar
        Fram fram fylking - Nú skal segja - Bimmbirimmbirimmbamm
        Í skóginum - Göngum göngum - Ókíkókí
        Tónlist NN - NN - NN - erlent lag - erlent lag - erlent lag - NN - NN - erlent
        lag - NN - erlent lag
        Texti Páll J. Árdal - NN - NN - NN - NN - Ari Jónsson frá Þverá - NN - NN -
        Hrefna Týnes - Þórður Kristleifsson - NN

        IV. Þáttur - Grave horrible/allegro
        Kvöldþema - Grenjar kenjakrakkinn minn - Karlinn undir klöppunum
        Ókindarkvæði - Farðu að sofa blessað barnið smáa
        Sofðu nú svínið þitt - Í bólinu - Bíbí og blaka
        Tónlist Scott Glecker, að undanskildu Ókindarkvæði, sem er íslenskt þjóðlg
        og Bíbí og blaka. a. þjóðlag, b. R. Bay
        Texti NN - þjóðvísa - þjóðvísa - NN - NN - þjóðvísa

        Aukalög:
         
5. Krummi svaf
              (Megas/Jón Thoroddsen)
          6. Piss piss og pelamál
              (Megas/húsgangur)
          7. Presturinn í stólinn sté
              (Megas/húsgangur)
          8. Bráðum kemur betri tíð
              (Megas/Halldór Laxness)
          9. Heilræði (ultimatum)
              (Megas)
        10. Vöggutrass
              (Megas)
        11. Gælutón
              (Megas)

Þetta er alveg rosaleg plata Nú er ég klæddur og kominn á og ról og númer 5 í röðinni og á að kallast barnaplata. Hún er alls ekki við hæfi viðkvæmra vegna söngstíls Meistara Megasar og hvernig hann fer með þessi gömlu góðu barnalög en það gerir hann bara með sínum hætti. Þetta eru fjórir þættir þannig að erfitt er að velja eitthvað eitt lag en verð þó að minnast á seinasta lagið í III þætti, sem heitir ó hókí hókí pókí en kallast í hans fluttningi Ókíkókí og byrjar á því að hann sýgur upp í nefið eins og hann sé í alvarlegu ástandi að innbyrða eitthvað varasamt og syngur svo Ókíkókí. Hann gerir þessi lög bara eftir sínu höfði og hvort börn hrífist eður ei eða fullorðnir ja hver veit, allavega er ég rosalega hrifinn af þessari plötu og hún fær 5 stjörnur af 5


Drög að sjálfsmorði 1979 / 2002
        1
        1. Forleikur
        2. Ef þú smælar framan í heiminn
        3. Gleymdur tími
        4. Grísalappalísa
        5. Formsatriði var ekki fullnægt
        6. Skríddu ofaní öskutunnuna
        7. Þjóðvegaræningi á krossgötum
        8. Fatamorgana á flæðiskerinu
            (Lög og textar: Megas)

        2
        1. Í skotgröfunni
        2. Aðeins draumur aðeins
        3. Ég horfi niður
        4. Þegar lyfturnar í blokkinni bila
        5. ódisseifur snýr aftur
        6. Pan og pípan
        7. Um ástir og örlög Eyjólfs bónda 2: heim
        8. Frægur sigur
        9. Hvell-geiri
      10. Sláið hjartans hörpustrengi
            (Lög og textar: Megas)

6. plata Meistara Megasar Drög að sjálfsmorði var tekin upp á einum tónleik í hátíðarsal Menntaskólans við Hamrahlíð og Sjálfsmorðssveitin stofnuð til að spila með Meistaranum á tónleik þessum. Meistari Megas var ekkert að spara sig á þessum tónleik heldur samdi bara 17 ný lög til að frumflytja á tónleik þessum en hafði eitt eldra lag með af fyrstu plötunni sinni Megas 1972 og það er lagið Um ástir og örlög Eyjólfs bónda. Lagið Ef þú smælar framan í heiminn hefur svo verið gefið út með Meistaranum sjálfum ásamt Ný Dönsk. Það er hans frægasta lag af þessum tónleik og í uppáhaldi mínu af þessari plötu en hin eru samt ekkert síðri frekar en fyrri daginn. Hún fær einkunnina 4 stjörnur af 5

Framhald næstu daga.

24.11.2008 18:09

Megas


Fram & aftur blindgötuna 1976 aukalög 2002
        1. Sút fló í brjóstið inn
        2. Ekki sýnd en aðeins gefin veiðin
        3. Napóleon bekk
        4. Vinaminni
        5. Jólanáttburður
        6. Gamla gasstöðin við Hlemm
        7. Skírnin
        8. Í speglasalnum
        9. Enn (að minnsta kosti)
            Aukalög:
      10. Spáðu í mig (7")
      11. Komdu og skoðaðu í kistuna mína (7")
      12. Þraut og þrá
      13. Kadúkíkvæði
      14. Ekkert er andstyggilegra
      15. Hann á afmæli í dag
      16. Umræður um leiklist og leikritun
      17. Með gati
      18. Sönglausi næturgalinn
      19. Aldrei þó kemstu að því ...
           (Lög og textar: Megas)

Þetta er 3. plata Meistara Megasar og þar eru lögin og textarnir stórkostlegt samspil og að mínu mati hafði verið valdir stórkostlegir spilarar til að leika með honum á þessari plötu. Lagið Í speglasalnum er mitt uppáhaldslag og svo er eitt hans frægasta lag Gamla gasstöðin við Hlemm á þessari plötu. Jólanáttburður er snilldartexti og sýnir bara hvað hann er mikill meistari í textagerð. 5 stjörnur af 5

SPILARAR
Sigurður Karlsson - trommur, marimba, conga, maracas, tambúrín
Birgir Guðmundsson - gítar
Þorsteinn Magnússon - gítar
Pálmi Gunnarsson - bassi, conga, maracas, tambúrín
Lárus Grímsson - orgel, píanó, flauta
Aagot Óskarsdóttir - píanó
Þorleifur Gíslason - Saxófónn


Á bleikum náttkjólum 1977 aukalög 2002
        1. Heilnæm eftirdæmi
        2. Saga úr sveitinni
        3. Heimspekilegar vangaveltur um þjóðfélagsstöðu
        4. Gamli skrjóðurinn
        5. Útumholtoghólablús
        6. Fátækleg kveðjuorð (til-)
        7. Paradísarfuglinn
        8. Hugboð um borgarastyrjöld
        9. Af Síra sæma
             a. Sæmi fróði og selurinn
             b. Sæmi, kölski og móhöggið
      10. Jón Sívertsen og sjálfstæðisbarningur ísfirskra
      11. Orfeus og Evridís
      12. Við sem heima sitjum # 45
      13. Vögguhljóð á tólftu hæð
            Aukalög:
      14. Um raungildisendurmat umframstaðreynda - Aukaupptaka
      15. Gamli skrjóðurinn (Orgelversion)
      16. Um raungildisendurmat umframstaðreynda - Demó
      17. Brúðarnótt
      18. Þórdísarstofa
      19. Til heiðurs hitaveitunni
      20. Tarzan
      21. Úr týndum rímnaflokkum Jónasar Hallgrímssonar
      22. Huggnun
      23. Heyri ég hljóm
           (Lög og textar: Megas)

Þetta er 4. plata Meistara Megasar. Þessi plata er samstarfsverkefni Meistara Megasar og Spilverk Þjóðanna og alveg stórkostleg afurð. Meistari Megas fékk Spilverk Þjóðanna til að leika bara af fingrum fram eins og þau höfðu gert á sínum plötum þannig að útsetningarnar eru eftir Meistara Megas og Spilverk Þjóðanna. Það er eiginlega ekkert eitt lag sem ber af, heldur er þetta heilsteypt plata og öll lögin binda hvert annað saman. Ég verð samt að nefna lagið Af Síra Sæma sem er kannski það lag sem sýnir hvað Meistarinn er rosalegur í textagerð. 5 stjörnur af 5

Framhald næstu daga.

23.11.2008 13:00

Megas

 
  Megas 1972 aukalög 2002
        1. Skutullinn
        2. Um óþarflega fundvísi Ingólfs Arnarsonar
        3. Silfur Egils
        4. Dauði Snorra Sturlusonar
        5. Um grimman dauða Jóns Arasonar
        6. Um skáldið Jónas
        7. Jón Sigurðsson og sjálfstæðisbarátta Íslendinga
        8. Vertu mér samferða inní blómalandið amma
        9. Þóttú gleymir guði
      10. Gamli sorrí gráni
      11. Siðbúinn mansöngur
      12. Ófelía
      13. Heilræðavísur
      14. Um ástir og örlög Eyjólfs bónda
      15. Spáðu í mig
            Aukalög:
      16. Skutullinn
      17. Nóttin hefur níðst á mér
      18. Grettir og Glámur
      19. Sveinn og Pes
      20. Ávarp til fjallkonunnar
      21. Pælaðu í því (sem pælandi er í)
      22. Adieu Capital
           (Lög og textar: Megas)

Ég  er á því að brotið hafi verið blað í sögu tónlistar á Íslandi þegar Meistari Megas kom fram á sjónarsviðið. Hann hafði verið að semja texta hvar sem hann var og ritað niður á pappír og til að koma textunum á framfæri þá gaf hann út ljóðabók 1968 en til að þeir hlytu einhverja athyggli var ráðist í það að semja lög við textana og gefa út, þannig næðu þeir til sem flestra. Afurðin er platan Megas 1972. Það er bara ekki eitt einasta slæmt lag á þessari plötu hvað þá texti. Það lag sem ég hef mestar mætur á á þessari plötu er Veru mér samferða inn í Blómalandið amma. Lagið Spáðu í mig er seinasta lag plötunnar og var tekið upp á samkomu íslendingafélagsins í Osló eingöngu gítar og söngur í laginu eins og í öllum hinum lögunum en einstaka þverflauta í nokkrum lögum. Spáðu í mig kom svo út 1975 á smáskífu með hljómsveitinni Júdas. 4 stjörnur af 5
7" Spáðu í mig / Komdu og skoðaðu í kistuna mína 1975 (Demant h/f)

 
  Millilending 1975 aukalög 2002
        1. Jónas Ólafur Jóhannesson frá Hriflu
        2. Súlnareki
        3. Ég hef ekki tölu
        4. Erfðaskrá
        5. Ég á mig sjálf (söngurinn hennar diddu)
        6. Ragnheiður biskupsdóttir
        7. Sennilega það síðasta (sem víkingurinn mælti um og eftir fráfall sitt)
        8. (fjögurmilljóndollaraognítíuogníusenta) mannúðarmálfræði
        9. Silfurskotturnar hafa sungið fyrir mig
            Aukalög:
      10. Þín miskunn ó guð
      11. Passíusálmur #51
      12. Passíusálmur #52
      13. Bjargið alda
           (Lög og textar: Megas)

2. plata Meistara Megasar kom svo út 1975 í samstarfi við hljómsveitina Júdas og er ein af mínum uppáhaldsplötum með Meistaranum. Ég verð nú bara að minnast á lagið Ragnheiður Biskupsdóttir sem mér finnst bara vera eitt hans besta lag eða ekki bara það besta. Hljómborðsspilið hjá honum Magnúsi Kjartanssyni í því lagi er alveg æðislegt að mínu mati og svo má ekki gleyma píanóinu í öllum hinum lögunum, hvað þá hinum spilurunum í Júdasi. 5 stjörnur af 5

JÚDAS
Magnús Kjartansson - píanó, orgel, ARP synthesizer
Vignir Bergmann - hljómgítar, rafgítar
Finnbogi Kjartansson - Bassi
Hrólfur Gunnarsson - trommur, tambúrín
Kristján Möndull - hljómgítar

Framhald næstu daga.

21.11.2008 17:32

Megas

Megas 1972-
Magnús Þór Jónsson (07-04-45) - Söngur, Gítar, munnharpa 1972-




1. LP Megas 1972 (Iðunn) / aukalög 2002 (Íslenskir tónar / Sena)

2. 7" Spáðu í mig / Komdu og skoðaðu í kistuna mína 1975 (Demant h/f)


3. LP Millilending 1975 (Demant h/f) / aukalög 2002 (Íslenskir tónar / Sena)


4. LP Fram og aftur blindgötuna 1976 (Hrim) / aukalög 2002 (Íslenskir tónar / Sena)


5. LP Á bleikum náttkjólum 1977 ásamt Spilverk Þjóðanna (Iðunn) / aukalög 2002 (Íslenskir tónar / Sena)


6. LP Nú er ég klæddur og kominn á ról 1978 (Iðunn) / aukalög 2002 (Íslenskir tónar / Sena)


7. LP Drög að sjálfsmorði 1979 Tónleikar í MH ásamt Sjálfsmorðssveitinni (Iðunn) / endurútgefið án aukalaga 2002 (Íslenskir tónar / Sena)

8. LP Megas allur 1985 (Hitt leikhúsið) heildarplötusafn & 2 plötur að auki; Gult og svart: Andinn (Passíusálmar) & Gult og svart: Holdið (Safn)


9. LP Í góðri trú 1986 (Gramm) / aukalög 2002 (Íslenskir tónar / Sena)


10. LP Loftmynd 1987 (Gramm) / aukalög 2002 (Íslenskir tónar / Sena)


11. LP Höfuðlausnir 1988 (Gramm) / aukalög 2002 (Íslenskir tónar / Sena)


12. LP Bláir draumar ásamt Bubba 1988 (10. október Gramm)


13. LP Englaryk í tímaglasi 2002 (Íslenskir tónar / Sena)

 
13. LP Hættuleg hljómsveit og glæpakvendið Stella 1990 / Óspillt Stella ung og stök 2006 (Íslenskir tónar / Sena)

 
14. LP Þrír blóðdropar 1992 (Skífan) / aukalög 2006 (Íslenskir tónar / Sena)


15. LP Paradísarfuglinn 1993 (Skífan) safnplata

 
16. LP Drög að upprisu 1994 (Japis) Tónleikar í MH ásamt Ný Dönsk / aukalög 2006 (Íslenskir tónar / Sena)


17. LP Til hamingju með fallið 1996 (FALLEG)


18. LP Fláa veröld 1997 (FALLEG)


19. LP Svanasöngur á leiði 2000 (Eyrað ehf.)


20. LP Haugabrot, glefsur úr neó-reykvískum raunveruleika 2001 (ómi)


21. LP Far ... þinn veg 2001 (ómi)


22. LP (Kristilega kærleiksblómin spretta kringum) hitt og þetta 2002 (Íslenskir tónar / Sena)


23. LP Megas 1972-2002 2002 (Íslenskir tónar / Sena) safnplata


24. LP Hús datt með Megasukk 2005 (Smekkleysa)


25. LP Passíusálmar í Skálholti 2006 (Íslenskir tónar) upptaka 13. apríl 2001 (Tindur)


26. LP Greinilegur púls 2006 (Sena) Tónleikar frá Púlsinum 1991


27. LP Frágangur 2007 (Sena)


28. LP Hold er mold 2007 (Sena)


29. LP Á morgun 2008 (Sena)

Megas er sonur þjóðar sem losnaði undan margra alda oki ári áður en hann var í heiminn borinn. Hann er óskilgetið afkvæmi borgarinnar við sundin, borgar sem óx hömlulaust þegar fólksflutningar fóru úr böndunum eftir stríð. Samt var hann eins og feiminn sveitapiltur sem fann sig ekki alveg í borginni fyrstu æviárin.

Þar var hann utangarðs en líka hálf utanveltu í sveitinni á Snæfellsnesi hjá föðurbróður sínum þótt honum líkaði vel þar vestra. Hann átti eiginlega hvorki heima í sveitinni né á mölinni frekar en önnur ungmenni sem þurftu að skapa nýjar hefðir í nýrri tilveru. Þau tilheyrðu fyrstu kynslóð borgarbarna, voru afkomendur sveitafólks og sjósóknara, alþýðufólks sem fylgdi straumnum til  höfuðborgarinnar eins og þúsundir annarra. Þau voru vormenn Íslands.

Megas fann rödd sína í skugga kalda stríðsins, þegar næsti dagur gat verið sá síðasti. Þrátt fyrir að veröldin væri á hverfanda hveli var margt sem gladdi æskumanninn: bíóferðir, rokktónlist, hasarblöð, strigaskór, tyggigúmmí, brilljantín, gallabuxur, hljóðfærasláttur, gosdrykkir og seinna sterkari drykkir. En ógnin vofði sífellt yfir. Flestir hræddust atómsprengjuna sem hafði bundið enda á síðari heimsstyrjöldina, þessa vá sem fæstir töluðu um en allir vissu að gat gat orðið að raunveruleika einhvern daginn. Það var því eins gott að lifa lífinu lifandi, fara hratt yfir og láta allar heimsins áhyggjur fara lönd og leið.

Megas orti yfirgengileg ljóð á menntaskólaárunum svo hárin risu á höfðum lesenda skólablaðsins. Óhugnaðurinn var slíkur að menn þóttust ekki hafa ekki lesið annað eins. Á þessum árum breyttist hann í söngvaskáld þótt hljótt hafi farið. Hann lifði á mörkum hins byggilega heims eins og þorri mannkyns þegar allt gat gerst og eins gott að taka lífið ekki of alvarlega. Þetta var allt að fara til fjandans hvort eð var.

Þessa sér stað í tónlist Megasar og textum þótt hann hafi ekki sett styrjaldarógnina á oddinn líkt og margir kollegar hans víða um heim gerðu. Hann kýs frekar að grípa til kaldhæðni og naprar ádeilu í textum sínum. Fjalla um ósómann allt í kringum sig í samtíð og fortíð. Hann snertir kvikuna berum höndum. Hann er boðberi illra tíðinda, maðurinn sem yrkir um hluti sem hvískrað er um á bakvið luktar dyr, hluti sem fæstir vilja opinbera. Hann er trúbadúrinn og rokkarinn sem dregur upp myndir af lastabælinu Reykjavík, varpar ljósi á bísalifnað, sýnir okkur betri hliðar undirmálsfólks og snögga bletti betri borgaranna. Hann er sjáandinn sem skoðar söguna í óvenjulegu ljósi. Hann steypir hetjum af stöllum og bregður marglitu ljósi á mannlega breyskleika. Hann fjallar um liðinn tíma og
horfna staði nær og fjær. Hann er óróaseggur íslenskrar dægurtónlistar, skáldið sem færir rokkinu dýpt söngljóðsins, maðurinn sem vekur róttæklinga af blundi og sáir frjókornum efasemda í sálir smáborgara.

Megas var og er þetta allt. Hann er líka æringinn sem leikur sér að samborgurum sínum. Hann vitnar út og suður, nýtir þekkingu sína á heimsbókmenntum, íslenskri sagnahefð og kveðskap svo menn mega hafa sig alla við. Hann tvinnar óhikað saman rokkfrösum, slangri, nýyrðum og gullaldar máli. Fyrir bragðið hefur hann oftar en ekki hreyft við samtímanum og kann öðrum fremur að koma við kauninn á fólki.

Megas er nafn sem landsmenn hefja til skýjanna eða troða í svaðið eins og skítuga tusku.Samt er sagt að hann sé fegursta rósin í íslenskum tónlistargarði. Maðurinn á  bakvið Megasarnafnið er Magnús Þór Jónsson. Saga hans er samtvinnuð þjóðarsálinni, hnignun dreifbýlisins og vexti borgarinnar, úthverfum hennar og afkimum, strætum og húsasundum, torgum og listigörðum, raunverulegum og ímynduðum. Þessi saga birtist í myndlist Megasar og skáldsagnagerð, en þó einkum í tónlist hans og söngtextum. Verk hans eru sér á báti, því meistari Megas er og verður engum líkur.

Magnús Þór fæddist 7. apríl 1945 um það bil þegar síðari heimstyrjöldinni var að ljúka, sonur skáldkonunnar Þórunnar Elfu Magnúsdóttur og Jóns Þórðarsonar kennara og rithöfundar. Magnús Magnússon nafni hans og móðurafi var verkamaður í Reykjavík sem stundaði jafnframt sjóinn eins og altítt var. Margrét amma Megasar var frá Horni í Skorradal en föðurforeldrarnir Snæfellingar. Þau hétu Sesselja Jónsdóttir og Þórður Pálsson frá Borgarholti í Miklaholtshrepp. Þórður bóndi var afkomandi hins kunna snæfellska söngmanns Jóns dýrðarsöngs Pálssonar. Megas á því ekki langt að sækja tónlistargáfuna.

Það er sennilegt að Megasi hafi verið ætlað að feta tónlistarbrautina líkt og öðrum ættmennum hans sem hafa helgað sig tónlistinni - hann hafi einfaldlega ekki geta flúið örlög sín. Honum er samt margt annað til lista lagt. Snemma kom í ljós hversu drátthagur Megas er og frá æskuárunum er til fjöldi teikninga af ýmsum toga sem hann hefur haldið til haga. Það er einnig stutt í skáldgáfuna enda voru foreldrar hans bókhneigt fólk og fengust bæði við skriftir. Bóklestur þótti dyggð á heimili Megasar sem las allt sem hann komst yfir.

Megas féll fyrir Halldóri Kiljan Laxness eins og poppstjörnu þegar hann las Gerplu í útvarpið. Þá var pilturinn ellefu ára gamall og las Kiljan af  áfergju eftir það. Þegar hann nálgaðist gelgjuárin kom rokkið með Elvis Presley í fararbroddi sterkt inn í líf hans. Megas
lærði á gítar en sneri sér von bráðar að píanóinu eins og Einar Már eldri bróðir hans. Megas átti auðvelt með að setja saman lög og frá bernskudögum er hans fyrsta lag Gamli sorrý Gráni, en hann var einnig farinn að semja menúetta á píanóið á gagnfræðaskóla árunum. Hann sótti píanótíma meira af skyldurækni en áhuga og tók að setja saman texta við lögin sín. Þegar rokkið fór að daprast um 1960 hellti hann sér út í þjóðlagapælingar, keypti sér nótnabók með amerískri alþýðutónlist og lagði sig eftir skandinavískum
þjóðlögum.

Eftir landspróf fór Megas í M.R. þar sem hann var fyrsta kastið hálfgerður einfari líkt og hann hafði verið í gaggó. Hann tók þátt í að mála leiktjöld fyrir hundrað ára afmælissýningu Útilegumannanna eftir Matthías Jochumsson og komst von bráðar inní félagslífið. Megas gerði myndskreytingar í skólablaðið, fékk nokkur ljóða sinna birt í blaðinu og smásögur sem þóttu hreinasta svívirða. Hann var orðinn sannkallaður bóhem og hlustaði á klassík, einkum þungmelta tólf tóna tónlist eins og önnur gáfumenni. Þegar leið að stúdentsprófi var Megas farinn að leggja eyrun aftur við dægurtónlist og þar átti tónlist Bob Dylan stóran hlut að máli. Margorðir textar Dylans heilluðu Megas og höfðu veruleg áhrif á hann.

Það voru ekki margir sem vissu hvað Megas var að fást við á tónlistarsviðinu enda var hann tregur til að leyfa fólki að heyra sköpunarverk sín. Að loknu stúdentsprófi innritaðist Megas í háskólann, var latur við að sitja tíma en dvaldi löngum stundum við skriftir og lestur á bókasafni skólans. Þar rakst hann á nafnið Megas í grískri orðabók og ætlaði að nota það sem skáldanafn þegar hann reyndi að fá birta eftir sig smásögu í Lesbók Morgunblaðsins. Smásagan komst inn eftir nokkrar hremmingar en hann varð að birta hana undir eigin nafni. Engu að síður fór hann að nota þetta listamannsnafn sem er nú orðið svo samtvinnað ævi hans og persónu að halda mætti að hann hefði verið skýrður Megas, en ekki Magnús Þór.

Megas hafði verið að semja tónlist og texta um nokkurt skeið þegar hann ákvað að gefa út bókina Megas 24.12. 1968 sem innihélt nótur 14 frumsaminna söngva og texta, auk myndgervinga. Þetta var offsetfjölritað rit unnið í Leiftri eins og svo margar ljóðabækur ungra skálda. Þarna birtust söngvar svo sem: Dauði Snorra Sturlusonar, Jón Sigurðsson & sjálfstæðisbarátta Íslendinga, Með gati, Ófelía, Ragnheiður biskupsdóttir, Silfur Egils, Um ópheppilega fundvísi Ingólfs Arnarsonar, Um skáldið Jónas, Um grimman dauða Jóns Arasonar og Vertu mér samferða inní blómalandið, amma.

Það kom félögum Megasar í Fylkingunni ekkert á óvart að hann lumaði á þessum lögum. Þeir höfðu stundum getað pínt hann til að flytja þau þegar svo bar undir. Stuttu síðar kom út annað heftið og það þriðja árið 1973, sem hét Megas kominn, en fráleitt farinn. Þar stendur skrifað á titilsíðu: ,,varúð: þetta er söngbók & ekki ljóðabók hvað menn vel merki & muni. Að tilkynningu þessari hér & nú & einn gang birtri firrir höfundur sig ábyrgð á vandræðum & hörmungum er af misskilningi hljóta að leiða. Einkum skal þó vakin athygli ljóðabókasafnara á huggun þessari."

Ári áður en þriðja bókin kom út höfðu róttækir stúdentar í Osló fjármagnað fyrstu hljómplötu Megasar. Hann var þá búsettur í Noregi og naut aðstoðar þarlendra tónlistarmanna við gerð plötunnar sem er kliðmýkri en seinni verk hans. Engu að síður olli útkoma hennar miklu fjaðrafoki hér heima. Það var skrifstofa SÍNE sem annaðist sölu plötunnar, sem kom út í sexhundruð eintökum og seldist fljótlega upp. Fór svo að hún var endurútgefin í tvígang á næstu árum og kláraðist jafnharðan.

Menntafólk og róttæklingar, aðallega af yngri kynslóðinni, gleyptu tónlist og texta Megasar í sig, en aðrir áttu ekki til nógu sterk orð til að lýsa hryllingnum. Það var ekki nóg með að maðurinn fór með dylgjur og staðleysur um þjóðhetjur og andans menn, heldur var hann vita laglaus í ofanálag. Það sem menn vissu almennt ekki þá, enda þeirri staðreynd lítt haldið á lofti, var að Megas var ágætlega menntaður í tónlist og hafði aukheldur sungið með Fílharmóníukórnum.

Megas bjó í Noregi á þessum tíma ásamt eiginkonu sinni svo lítið heyrðist frá honum um skeið. Á páskum árið eftir kom hann fram í SÚM salnum og flutti Passíusálma Hallgríms Péturssonar við undirspil menntaskólanema. Árið 1974 stóð til að Megas kæmi fram í sjónvarpsþætti þar sem Ómar Valdimarsson spjallaði við þrjá trúbadúra. Megas mætti í sjónvarpssal með lepp fyrir öðru auganu og þátturinn rúllaði inn á myndband. Þessi þáttur fór samt aldrei lengra því yfirmenn sjónvarpsins komu í veg fyrir að hann væri sýndur og lá hann því í salti árum saman.

Landsmenn heyrðu fremurlítið af Megasi þar til hann kom fram á fullveldishátíð stúdenta í Háskólabíói fyrsta desember 1974, ásamt hljómsveitinni Pelican. Þar var Megas ekki vel upplagður sem kom verulega niður á tónlistarflutningi hans. Þrátt fyrir taugaveiklun og sviðsskrekk ákvað Megas að halda áfram á sömu braut og vorið eftir fór hann að leggja drög að útgáfu næstu plötu. Hann gekk á milli útgefenda sem vildu lítið af honum vita, þar til Ingibergur Þorkelsson hjá umboðsfyrirtækinu Demant leitaði meistarann uppi. Hann vildi endurútgefa fyrstu plötuna, en Megas vildi veðja á nýjar afurðir sem nóg var til af. Hann óskaði eftir að komast í náin kynni við íslenska rokkhljómsveit í fremstu röð. Þar með var Megas kominn í slagtog við hljómsveitina Júdas og fleiri tónlistarmenn og farinn að kyrja lög sín við undirleik rokksveitar í Hljóðrita í Hafnarfirði.

Þegar Millilending kom út í ágústlok 1975 fjölgaði aðdáendum söngvaskáldsins hraðar en andstæðingunum, sem fannst skáldið m.a. vega harkalega að heiðri hinnar ólánsömu Ragnheiðar dóttur Brynjólfs Skálholtsbiskups. Nokkru síðar kom út smáskífa með lögunum Komdu og skoðaðu í kistuna mína og Spáðu í mig, sem var tekið af fyrstu plötunni.

Megas var kominn á skrið og átti ógrynni af tónlist. Á næstu plötu safnaði hann um sig sveit manna, þ.á.m. Pálma Gunnarssyni og Sigurður Karlssyni úr hljómsveitinni Celcíus og Lárusi Grímssyni og Þorsteini Magnússyni úr Eik, sem eyddu lunganum úr júlímánuði í blíðskaparveðri lokaðir inni í myrkum og reykmettuðum upptökusal Hljóðrita við gerð plötunnar Fram og aftur blindgötuna. Tónlistarmenntun Megasar kom nú að notum því hann útsetti öll lögin út í hörgul. Það kom ekki að sök þó sumir músíkantanna væru ekki vanir nótnalestri, þeir einfaldlega lærðu það sem meistarinn setti þeim fyrir. Nafn plötunnar var ákveðið löngu áður en hún kom út, en þegar til átti að taka var tónlistarbálkurinn Fram og aftur blindgötuna svo langur að hann rúmaðist ekki á plötunni og merkilegt nokk, fékk heldur ekki rými á endurútgáfunni 2002, þótt þar sé að finna 10 aukalög. Það var Hrím sem gaf þessa plötu út, en það fyrirtæki stofnaði Ingibergur Þorkelsson eftir að slitnaði með látum upp úr samstarfi hans við Jón Ólafsson og Helga Steingrímsson í Demant.

Þau tíðindi gerðust eftir að þriðja platan kom út að Megasi hlotnuðust listamannalaun, öllum að óvörum. Næst gerði Megas samning við Jóhann Pál Valdimarsson hjá bókaútgáfunni Iðunni og nú var efnt til spennandi samstarfs Megasar við Karl Sighvatsson og þrjá meðlimi Spilverks Þjóðanna, Valgeir Guðjónsson, Egil Ólafsson og Sigurð Bjólu, sem voru orðnir vel sjóaðir í hljóðversvinnu. Áður en farið var í stúdíó gáfu þeir sér tíma til að æfa og útfæra tónlistina hjá Gunnlaugi Þórðarsyni lögfræðingi á Bergstaðastrætinu við hliðina á safni Ásgríms Jónssonar. Spilverkið var með aðstöðu hjá Gunnlaugi, sem bætti um betur þegar hann bauð Megasi að búa í kjallaranum hjá sér um tíma.

Þegar allt var klappað og klárt var haldið í Hljóðrita þar sem platan Á bleikum náttkjólum varð að veruleika í júlí og ágúst 1977. Aðstoðarmenn þeirra voru ekki af verri endanum, Eggert Þorleifsson, Helgi Guðmundsson og Viðar Alfreðsson. Á bleikum náttkjólum sýndi tónlist og texta Megasar í nýju ljósi, hófstilltur hljóðfæraslátturinn hæfði tónlist hans vel enda hlaut platan einróma lof þegar hún kom út og er talin meðal bestu verka Megasar á ferlinum. Þegar fram liðu stundir þótti þessi plata ekki síður merkileg fyrir þær sakir að í laginu Paradísarfuglinn mátti greina pönkáhrif þrátt fyrir að pönkbylgjan væri ekkert farin að láta á sér kræla hér á landi.

Nú var frægðarsól Megasar hátt á lofti og hann kunni lofinu ágætlega, þótt hann væri alltaf jafn feiminn og kynni tæplega að taka hóli þá frekar en nú. Páll Baldvin Baldvinsson, sem umgekkst Megas mikið á þessum árum, átti hugmyndina að barnaplötunni Nú er ég klæddur og kominn á ról. Megas lagðist í mikið grúsk, eins og hans er vandi, dró upp úr hugskoti sínu ýmsar barnagælur frá æskudögum að viðbættum nýrri söngvum. Staðreyndin er sú að Megas hefur ætíð verið mikill aðdáendi gamalla íslenskra dægurlaga, slagara, barnasöngva og húsganga og hann fékk því rakið tækifæri til að fá útrás fyrir þessa áráttu sína.

Guðný Guðmundsdóttir konsertmeistari Sinfóníuhljómsveitar Íslands og Scott Gleckler kontrabassaleikari sömu sveitar lögðu Megasi lið á plötunni, sem tekin var upp í Hljóðrita frá góulokum fram á sumardaginn fyrsta 1978. Útkoman var alveg einstök plata sem margir hafa átt í stökustu erfiðleikum með að staðsetja í tónlistarlegu samhengi. Megas var nánast kominn í tölu heilagra manna með barnaplötunni og nú var tími til kominn að breyta algjörlega um stefnu. Hann fékk til samstarfs við sig valið lið tónlistarmanna, Pálma Gunnarsson, Lárus Grímsson og Sigurð Karlsson, sem höfðu starfað með honum á plötunni Fram og aftur blindgötuna þremur árum fyrr, auk gítarleikarans Björgvins Gíslasonar og djasspíónistans Guðmundar Ingólfssonar, frænda Megasar. Hópurinn fékk gælunafnið Sjálfsmorðssveitin þegar æfingar hófust á  tónleikadagskránni Drög að sjálfsmorði.

Ætlunin var að halda hljómleika í Þjóðleikhúsinu, en ekki fékkst leyfi til þess. Hátíðarsalur Menntaskólans við Hamrahlíð varð því fyrir valinu og þar voru haldnir tvennir magnaðir hljómleikar 3. nóvember 1978. Megas hafði fyrir löngu ákveðið nafn þessarar dagskrár og safnað lögum í sarpinn með það í huga að hljóðrita þau í tónleikabúningi. Þegar búið var að fara í gegnum upptökurnar voru hljómleikarnir gefnir út á tvöfalda albúminu Drög að sjálfsmorði snemma árs 1979. Platan var ekki fyrr komin út en sá kvittur komst á kreik að Megas væri allur. Ekki var það alveg sannleikanum samkvæmt, því meistarinn er enn ofar moldu. Hann hafði hinsvegar gengið mjög nærri heilsu sinni með ólifnaði, konan farin frá honum með synina tvo fyrir allnokkru, og maðurinn oft illa til reika.

Þar kom að hann sá að sér, fannst tími til kominn að takast á við vandann, sem hann gerði af röggsemi. Næstu árin breytti Megas um lífsstíl, fór í meðferð og vann um árabil sem hafnarverkamaður. Hann hóf sambúð á nýjan leik, byggði sig upp og var eins og hver annar fjölskyldumaður sem lét tónlistarsköpun lönd og leið.

Á þessum tímapunkti fylgdist Megas gaumgæfilega með hræringum pönksins og nýbylgjunnar. Hann sótti tónleika og naut þess að vera áhorfandi en ekki þátttakandi. Þegar Megas hafði náð góðum tökum á tilverunni sneri hann sér að námi, sem leiddi til þess að hann útskrifaðist fullnuma myndlistaramaðurfrá Myndlista- og handíðaskóla Íslands.

Bræðurnir Tolli og Bubbi Morthens fengu Megas til að glíma við tónlistargyðjuna á nýjan leik. Hann söng Fatlafól og Heilræðavísur á plötunni Fingraförum með Bubba 1983 og kom fram á tónleikum víðsvegar um landið. Sama ár söng Megas með Björk Guðmundsdóttur í Áfögnum í beinni útsendingu, þegar sá merki útvarpsþáttur Ásmundar Jónssonar og Guðna Rúnars Agnarssonar rann sitt skeið á enda. Það var í þessum sama þætti sem hljómsveitin Kukl varð til.

Megas tók einnig þátt í gerð plötunnar The Boys from Chicago með Þorláki Kristinssyni, Tolla bróður Bubba, ásamt meðreiðarsveinum sem síðar kölluðu sig Ikarus. Ári seinna kom út platan Rás 5-20 hjá Gramminu sem eignuð var hljómsveitinni Ikarusi. Nafn hljómsveitarinnar vísar til samnefndra austur evrópskra strætisvagna sem óku um götur Reykjavíkur, en kaup SVR á þeim ollu harðvítugum deilum um þær mundir.

Árið 1985 stofnuðu Páll Baldvin Baldvinsson og Sigurjón Sighvatsson Hitt leikhúsið og settu upp söngleikinn Litlu hryllingsbúðina sem gengið hafði við miklar vinsældir víða um heim. Þeir fengu Megas til að snara söngtextunum og tókst það verk snilldarlega eins og við var að búast. Þetta samstarf leiddi síðan til þess að Hitt leikhúsið stóð að hátíðarútgáfu á verkum Megasar vorið 1986 í einum kassa undir heitinu Megas allur.
 
Þar voru allar plötur hans frá 1972 til '79, auk tveggja nýrra platna. Nefndist sú fyrri Gult & svart - andinn, en þar var hljómleikaupptaka af flutningi Megasar á Passíusálmunum frá 1985. Seinni platan Gult & svart - holdið, geymdi nýjar og eldri upptökur af lögum Megasar frá ýmsum tímum, þ.á.m. nokkur lög sem hann hljóðritaði með Ikarusi. Þegar leið að hausti voru gerðir tveir sjónvarpsþættir þar sem Megas flutti nýja tónlist í samstarfi við hóp ungra hljóðfæraleikara, sem áttu flestir eftir að gera garðinn frægann undir nafninu Sykurmolarnir.

Í góðri trú, fyrsta sólóskífa Megasar í rúmlega sjö ár, var óbeint afsprengi þeirrar samvinnu en þar voru aðrir hljóðræraleikarar að verki. Þegar platan kom út í vetrabyrjun 1986 var hún rifin út og aðdáendur Megasar fögnuðu endurkomu meistarans, sem sýndi og sannaði að hann hafði engu gleymt. Hann var jafn meinhæðinn og beittur og áður, en samt kvað við nýjan og tón þar sem Megas vitnaði í dægurlagameistara æskuáranna. Ágengur tónflutningurinn féll eins og hanski að hönd meistarans. Það var ekki um að villast að Megas var endurborinn.

Platan Loftmynd sem kom út 1987 var síðbúin afmæliskveðja Megasar til Reykjavíkur en borgarbúar héldu upp á 200 ára afmæli með pompi og pragt árið áður. Megasi var ekki boðið að taka þátt í þeirri veislu, enda hefði hann ekki látið tilleiðast að taka þátt í því skjallbandalagi sem myndað var til að hylla gömlu Vík. Loftmynd dregur upp aðra og dekkri mynd af borgarlífinu, en hin skáldin höfðu notað til að mæra borgina, þótt þar bregði einnig fyrir björtum litum.

Megas fer í gamalkunnar stellingar annálaskrifara og söguskýranda sem sér hlutina með eigin augum, óháð opinberum gildum og venjum. Það var vænn hópur tónlistarmanna sem vann að plötunni með meistara sínum þ.á.m. systurnar Björk og Inga Guðmundsdætur. Systurnar komu einnig við sögu á næstu plötu Megasar sem kallast Höfuðlausnir. Þar átti hinn rammgöldrótti Hilmar Örn Hilmarsson stóran hlut að máli, ásamt Guðlaugi Óttarssyni sem unnið hafði dyggilega með Megasi um nokkurra ára skeið.

Höfulausnir leið fyrir annarlegan og harðan hljóm er fylgdi stafrænni tækni sem hélt innreið sína og réð ríkjum í hljóðverum landsins um tíma í lok níunda áratugarins. Þetta varð síðasta platan sem Megas gerði fyrir Grammið, sem var í andaslitrunum, ef Bláir draumar eru undanskildir. Bláir draumar var nafnið á samstarfsverkefni Megasar og Bubba Morthens sem kom út 1988 og var ætlað að seljast í bílhlössum á jólavertíðinni.

Nú hefur Megas dregið lögin sín sjö út úr þessari samsuðu og gefið út ásamt átta aukalögum og tíu demóum á geislaplötunni Englaryk í tímaglasi. Það liðu tvö ár þar til Megas lagði sitt eigið fé að veði til að fjármagna gerð plötunnar Hættuleg hljómsveit og glæpakvendið Stella sem kom út 1990. Það verk var gefið út í 2999 tölusettum eintökum og Megas afhenti sjálfum sér Bullplötu, þar sem ljóst var frá upphafi að platan næði ekki gullsölu sem miðaðist við 3000 eintök í þá daga. Þetta uppátæki Megasar stuðaði suma útgefendur en gladdi að sama skapi bræður skáldsins og systur í andanum.

Enn liðu tvö ár á milli platna hjá Megasi, sem notaði tímann m.a. til að endurheimta útgáfuréttindi allra sinna platna, áður en hann gerði samning við Skífuna um útgáfu plötunnar Þrír blóðdropar 1992. Sem fyrr voru það Hilmar Örn og Gulli Óttars sem lögðu mest til plötunnar ásamt Megasi. Í kjölfar blóðdropanna kom 20 laga safnútgáfan Paradísarfuglinn 1993, með úrvali laga frá ferlinum að viðbættu nýja laginu Þóra og nýrri hljóðritun lagsins Ef þú smælar framan í heiminn, þar sem Björn Jörundur Friðbjörnsson
söng dúett með Megasi.

Þar með hófst samstarf Megasar og hljómsveitarinnar Nýdanskrar, sem kristallaðist í hljómleikum sem haldnir voru í hátíðarsal Menntaskólans við Hamrahlíð árið eftir. Tónleikarnir voru hljóðritaðir og þóttu takast það vel að afraksturinn var gefinn út á plötunni Drög að upprisu 1994. Sama ár kom út skáldsagan Björn og Sveinn, eða makleg málagjöld eftir Magnús Þór Jónsson. Það hefur löngum verið skrafað og skeggrætt um líferni Megasar, neyslu hans á margvíslegum efnum þessa heims og annars, að ekki sé minnst á meint andlát hans og upprisu.

Margt af því sem flogið hefur manna á milli hefur verið með miklum ólíkindablæ. Megas hefur haft lúmskt gaman af þessum furðusögnum og jafnvel ýtt undir þær af stráksskap með nafngiftum á plötum sínum. Dæmi um þetta er Til hamingju með fallið, sem hann gerði í samvinnu við Pjetur Stefánsson mynd- og tónlistarmann 1996. Það þurfti ekki meira til en viðeigandi plötutitil til að endurnýja flökkusögurnar sem fóru á kreik um söngvaskáldið Megas og bárust landshorna á milli á augabragði.
 
Næsta samstarfsverkefni Megasar og Pjeturs Stefánssonar var Fláa veröld sem kom út ári síðar 1997 á merkinu Falleg, eins og fyrri platan, sem er útgáfufyrirtæki þeirra félaganna. Megas hefur jafnan tekið upp fleiri lög en komist hafa með góðu móti fyrir á plötum hans. Aukheldur hefur hann átt það til að semja heilu bálkana þannig að sum lögin hafa orðið 10-15 mínútna löng ef allar vísurnar eru sungnar.

Þetta hefur oftar en ekki valdið vanda því það hefur lengi verið lenska að miða tímalengd geisladiska við 40-50 mínútur. Þetta er arfur frá þeim tíma þegar menn gáfu tónlist eingöngu út á vínílplötum, því þær báru ekki meira magn. Með tilkomu geisladisksins hafa þessi mörk aukist til muna því það er hægt að koma rúmlega 75 mínútum af tónlist á hvern disk. Megas barðist lengi fyrir því að fylla diska sína af tónlist, en það var ekki fyrr en með samstarfi þeirra Pjeturs sem hann gat látið verða af þessu. Þessvegna er Til hamingju með fallið um 73 mínútur og Fláa veröld rúmar 76 mínútur að lengd.

Sömu sögu er að segja um plötuna Svanasöngur á leiði - ný íslensk einsöngslög sem Megas gerði í félagi við Jón Ólafsson píanista og fyrirtæki hans Eyrað árið 2000. Platan sú spannar rúmlega 70 mínútur og segja má að Megas fari þar aftur til upphafsins. Píanóið er eina undirleikshljóðfærið við söngrödd Megasar á Svanasöngnum. Það sem er merkilegt við plötuna öðru fremur eru tengslin sem skapast á þennan hátt við æsku Megasar, því hann samdi sín fyrstu lög á píanóið í foreldrahúsum í Norðurmýrinni.

Eggert Þorleifsson átti hugmyndina að samstarfi Megasar og Jóns Ólafssonar og stýrði upptökum, sem fóru fram í sal Tónlistarskóla Félags íslenskra hljómlistarmanna við Rauðagerði í ágúst 2000. Sumarið 2001 kom út geislaplatan Haugbrot: glefsur úr neó-reykvískum raunveruleika þar sem Megas les valda kafla úr bók sinni um Björn og Svein Skotta, eða Ótímabær sögubrot af Birni og Sveini (lesin og ólesin) eins og segir í geislabæklingi. Jafnframt les hann Á Þingvelli árið 0 (með niðurtalningu) og Plaisir d'Amour#20 ,,Kveðja", við undirleik Hilmars Arnar, Gulla Óttars og bræðranna Danna og Mikka Pollock.

Útgefandi þessarar sérstæðu sagnaplötu Megasar var Ómi, dótturfyrirtæki Eddu. Um haustið kom út hefðbundara verk Far þinn veg, þar sem Megas efndi enn á ný til samstarfs við fornvini sína Guðlaug Óttarsson, Kristinn Árnason, Gunnar Hrafnsson og Birgi Baldursson, auk hinnar ungu söngkonu Söru Guðmundsdóttur. Platan var unnin í Gróðurhúsinu, hljóðveri Valgeirs Sigurðssonar sem unnið hefur mikið með Björk Guðmundsdóttur.

Árið 2002 markar enn ein tímamótin á ferli Megasar. Það eru liðin 30 ár frá því að fyrsta platan kom út. Til að halda upp á þann áfanga með veglegum hætti hefur verið efnt til endurútgáfu á helstu plötum meistarans. Megas hefur lagt drjúga hönd á vinnsluna ásamt Stefáni Ingólfssyni. Áhersla er lögð á vandaða hljóðvinnslu og heildarrými hvers disks er nýtt til fullnustu. Þar af leiðandi hefur aukalögum verið bætt inn á allar útgáfurnar þannig að aðdáendur Megasar fá mikið fyrir sinn snúð.
Sum laganna, sem koma nú út í fyrsta sinn, voru upphaflega hugsuð sem hluti af viðkomandi plötu, en voru sett á hilluna vegna plássleysis. Önnur lög eru frá æfingaferlinu eða prufutökur, hljómleikaefni og hljóðritanir úr útvarps- eða sjónvarpsþáttum.

Árið 2006 kom svo næsti skammtur af endurútgáfum á verkum Megasar er 4 plötur kom út í samskonar skrautbúningi og áður auk þess sem Sena gaf út tribjútplötuna Pældu í því sem pælandi er í en þar fluttu ýmsir listamenn lög og texta Megasar með sínu nefi.

Árið 2007 var ár Megasar ef svo má að orði komast en það ár gaf Megas út tvær plötur með nýju efni. Á plötunum safnaði Megas í kringum sig afskaplega hæfileikaríkum hópi tónlistarmanna sem hann nefndi Senuþjófana en sveitina skipuðu Sigurður Guðmundsson, Nils Olof Törnqvist, Mikael Svensson og Guðmundur Kristinn Jónsson, allir einnig kenndir við reggísveitina Hjálma auk Guðmundar Péturssonar gítarsnillings. Úr því samstarfi komu plöturnar Frágangur og Hold er mold.

Er Megas og Senuþjófarnir byrjuðu að æfa saman í byrjun árs 2007 datt Megas í þannig stuð að fljótlega var ljóst að hann hafi samið allt of mörg lög á eina plötu og var um of gott umframefni að ræða til að sleppa því. Þetta mætti kalla ritflóð því að ekki var um ritstíflu að ræða þarna hjá meistara Megas. Farið var yfir allt efnið og ákveðið var að dreifa lögunum á tvær plötur, annars vegar á Frágang og hins vegar á Hold er mold.
Ekki var þar með allt upptalið, ákveðið var að gera eina plötu enn með Senuþjófunum og skildi nú vera teknar upp ábreiður af gömlu góðu íslenskum lögum og eða erlendum sem samdir hafa verið íslenskir textar við í gegnum tíðina, höfundar eins og Ingibjörg Þorbergs og heitir platan í höfuðið á einu af hennar lögum Á morgun, Jónas Jónasson, Jenni Jónsson, Halldór Laxness svo dæmi séu tekin. Platan leit dagsins ljós sumar 2008.

Jónatan Garðarsson

Tónlistarmenn sem hafa spilað með Megasi á plötum.
Inge Rollan: Þverrflauta - Megas 1972
Tore Tamps-Lyche: Hljómgítar, Kontrabassi - Megas 1972
Öivind Ekman Jensen: Hljómgítar - Megas 1972
Magnús Kjartansson: Píanó, Orgel, ARP synthesizer - Millilendibg 1975
Vignir Bergmann: Hljómgítar, Rafmagnsgítar - Millilending 1975
Finnbogi Kjartansson: Bassi - Millilending 1975
Hrólfur Gunnarsson: Trommur, Tambúrín - Millilending 1975
Kristján Möndull: Hljómgítar - Millilending 1975
Magnús Eiríksson: Munnharpa - Millilending 1975
Rúnar Georgsson: Þverflauta - Millilending 1975
Kristinn Sigmarsson: Trompet - Millilending 1975
Sæbjörn Jónsson: Trompet - Millilending 1975
Reynir Sigurðsson: Víbrafónn, Pákur - Millilending 1975
Jónas R.Jónsson: Sírena - Millilending 1975
Sigururður Karlsson: Trommur, Marimba, Conga, Maracas, Tambúrín, Pákur - Fram og Aftur Blindgötuna 1976/Drög Að Sjálfsmorði 1979
Þorsteinn Magnússon: Gítarar - Fram og Aftur Blindgötuna 1976/Í Góðri Trú 1986/Loftmynd 1987
Birgir Guðmundssin: Gítar - Fram og aftur Blindgötuna 1976
Pálmi Gunnarsson: Bassi, Conga, Maracas, Tambúrín - Fram og Aftur Blindgötuna 1976/Drög Að Sjálfsmorði 1979
Lárus Grímsson: Orgel, Píanó, Minimoog, Flautur, ARP, Tambúrína, Fun Machine Harmonikka - Fram og Aftur Blindgötuna 1976/Drög Að Sjálfsmorði 1979/Hús Datt (Megasukk) 2005
Aagot Óskarsdóttir: Píanó - Fram og Aftur Blindgötuna 1976
Þorleifur Gíslason: Saxófónn - Fram og Aftur Blindgötuna 1976
Egill Ólafsson: Kontrabassi, Söngur - Á Bleikum Náttkjólum 1977
Sigurður Bjóla: Ásláttur, Söngur, Tamborína, Trommur - Á Bleikum Náttkjólum 1977/Til Hamingju Með Fallið 1996
Valgeur Guðjónsson: Gítar, Söngur - Á Bleikum Náttkjólum 1977
Sigrún Hjálmtýsdóttir: Söngur - Á Bleikum Náttkjólum 1977
Karl Sighvatsson: Hammondorgel - Á Bleikum Náttkjólum 1977/Loftmynd 1987/Bláir Draumar 1988
Viðar Alfreðsson: Horn - Á Bleikum Náttkjólum 1977
Helgi Guðmundsson: Munnharpa - Á Bleikum Náttkjólum 1977
Eggert Þorleifsson: Þverflauta, Tinflauta - Á Bleikum Náttkjólum 1977
Guðný Guðmundsdóttir: Fiðla, Lágfðla - Nú Er Ég Klæddur og Kominn Á Ról 1978
Scott Gleckler: Kontrabassi, Hnéfiðla, Harmoníum, Píanó, Gítarar, Flauta, Ásláttur, Trommur, Synthesizer - Nú Er Ég Klæddur og Kominn Á Ról 1978
Björgvin Gíslason: Gítarar - Drög Að Sjálfsmorði 1979/Fláa Veröld 1997
Guðmundur Ingólfsson: Harmonikka, Rafpíanó, Konsertpíanó, Orgel - Drög Að Sjálfsmorði 1979/Í Góðri Trú 1986
Sigtryggur Baldursson: Trommur, Ásláttur - Í Góðri Trú 1986/Loftmynd 1987/Þrír Blóðdropar 1992/Haugabrot 2001
Tómas M. Tómasson: Bassi, Hljómborð - Í Góðri Trú 1986
Reynir Jónasson: Harmonikka - Í Góðri Trú 1986/Loftmynd 1987
Ásbjörn Kristinsson: Bakrödd, Munnharpa, Söngur - Í Góðri Trú/Loftmynd 1987/Bláir Draumar 1988/Þrír Blóðdropar 1992
Björk Guðmundsson: Söngur - Loftmynd 1987/Höfuðlausnir 1988/Hættuleg Hljómsveit & Glæpakvendið Stella 1990
Inga Guðmundsdóttir: Söngur - Loftmynd 1987/Höfuðlausnir 1988
Guðlaugur Kristinn Óttarsson: Gítarar, Bassi, Söngur, Fender-stradovarius, Blade-steel, Campsnylon, Trompet - Loftmynd 1987Höfuðlausnir 1988/Hættuleg Hljómsveit & Glæpakvendið Stella 1990/Þrír Blóðdropar 1992/Drög Að Upprisu 1993/Haugabrot 2001/Far ... Þinn Veg 2001/Hús Datt (Megasukk) 2005
Haraldur Þorsteinsson: Bassi - Loftmynd 1987/Hættuleg Hljómsveit & Glæpakvendið Stella 1990/Þrír Blóðdropar 1992/Til Hamingju Með Fallið 1996/Fláa Veröld 1997
Eyþór Gunnarsson: Píanó, Synthesizer - Loftmynd 1987
Þorgeir Rúnar Kjartansson: Saxófónar - Loftmynd 1987
Wilma Young: Fiðla - Loftmynd 1987
Hilmar Örn Hilmarsson: Hljómborð, Slagverk, Bassi, Fortónun, Hljóðtækni, Áhrifsorð - Höfuðlausnir 1988/Hættuleg Hljómsveit & Glæpakvendið Stella 1990/Þrír Blóðdropar 1992/Haugabrot 2001
Telpnakór Öldutúnsskóla: Söngur - Bláir Draumar 1988
Birgir Baldursson: Trommur - Bláir Draumar 1988/Hættuleg Hljómsveit & Glæpakvendið Stella 1990/Far ... Þinn Veg 2001
Tómas R. Einarsson: Bassi - Bláir Draumar 1988
Jón Páll Bjarnason: Gitar - Bláir Draumar 1988
Kenneth Knudsen: Píanó, Synthesizer - Bláir Draumar 1988
Össur Geirsson: Básúna - Bláir Draumar 1988
Ólafur Flosason: Óbó - Bláir Draumar 1988
Sigrún Jónsdóttir: Söngur - Hættuleg Hljómsveit & Glæpakvendið Stella 1990
Barnakór: Björg Rún, Hera, Katrín Ósk - Hættuleg Hljómsveit & Glæpakvendið Stella 1990
Gellukór: Kitta, Habbý, Sirrý, Jóna María - Hættuleg Hljómsveit & Glæpakvendið Stella 1990
Hörður Bragason: Píanó - Hættuleg Hljómsveit & Glæpakvendið Stella 1990
Jón Steinþórsson: Kontrabassi - Hættuleg Hljómsveit & Glæpakvendið Stella 1990
Þórður Magnússon: Gítar - Hættuleg Hljómsveit & Glæpakvendið Stella 1990
Jónas Sen: Píanó - Hættuleg Hljómsveit & Glæpakvendið Stella 1990
Jens Hansson: Saxófónn, Klarinett, Hljómborð, Gæsagangsnerill - Hættuleg Hljómsveit & Glæpakvendið Stella 1990/Til Hamingju Með Fallið 1996/Hús Datt (Megasukk) 2005
Jón Ólafsson: Hljómborð, Píanó, Orgel, Flygill - Þrír Blóðdropar 1992/Drög Að Upprisu 1993/Fláa Veröld 1997
Móeiður Júníusdóttir: Söngur - Þrír Blóðdropar 1992
Gregoríanski Telpnakórinn: Söngur - Þrír Blóðdropar 1992
Björn Jörundur Friðbjörnson: Bassi, Söngur - Paradísarfuglinn 1993/Drög Að Upprisu 1993
Daníel Ágúst Haraldsson: Gítar; Söngur - Drög Að Upprisu 1993
Kristbjörg K.Sólmundardóttir: Söngur - Drög Að Upprisu 1993
Margrét Sigurðardóttir: Söngur - Drög Að Upprisu 1993
Ólafur Hólm Einarsson: Trommur - Drög Að Upprisu 1993
Stefán Hjörleifsson: Gítar, Söngur, Mandólín - Paradísarfuglinn 1993/Drög Að Upprisu 1993
Bryndís Halla Gylfadóttir: Selló - Til Hamingju Með Fallið 1996
Jóhann Stefánsson: Trompet - Til Hamingju Með Fallið 1996
Pjétur Stefánsson: Þríhorn, Bakrödd, Ásláttur, Gítara - Til Hamingju Með Fallið 1996/Fláa Veröld 1997
Tryggvi J.Hübner: Gítar - Til Hamingju Með Fallið 1996
Arnþór Jónsson: Harpsíkord, Selló - Til Hamingju Með Fallið 1996/Fláa Veröld 1997
Jón Aðalsteinn Þorgeirsson: Klarinetta - Til Hamingju Með Fallið 1996
Sigurður Reynisson: Trommur, Klukkuspil, Tambúrín, Ásláttur - Fláa Veröld 1997
Garðar Runólfsson: Búggígítar - Fláa Veröld 1997
Baldur Þórir Guðmundsson: Flygill - Fláa Veröld 1997
Lilja Valdimarsdóttir: Horn - Fláa Veröld 1997
Sigurður Sigurðsson: Munnharpa - Fláa Veröld 1997
Margrét Kristín Blöndal: Fiðla - Fláa Veröld 1997
Michael Dean Odin Pollock: Gítar - Haugabrot 2001
Daníel Allan Pollock: Gítar - Haugabrot 2001
Sara Guðmundsdóttir: Söngur - Far ... Þinn Veg 2001
Das Ewig Weibliche: Söngur - Far ... Þinn Veg 2001
Valgeir Sigurðsson: Hljómborð - Far ... Þinn Veg 2001
Kristinn Árnason: Gítar - Far ... Þinn Veg 2001
Kjartan Hákonarsson: Trompet - Far ... Þinn Veg 2001
Gunnar Hrafnsson: Bassi - Far ... Þinn Veg 2001
Hermann Jónsson: Kassagítar - Passíusálmar í Skálholti 2001
Hjörtur B. Hjartarson: Klarínettur, þverflauta - Passíusálmar í Skálholti 2001
Hilmar Örn Agnarsson: Orgel, kórstjórn - Passíusálmar í Skálholti 2001
Kjartan Guðnason: Kontrabassi - Passíusálmar í Skálholti 2001
Skúli Arason: Slagverk - Passíusálmar í Skálholti 2001
Sveinn Pálsson: Rafgítar - Passíusálmar í Skálholti 2001
Kammerkór Biskupstungu: Andri Freyr Hilmarsson, Anna Helga Guðmundsdóttir, Droplaug Guttormsdóttir, Fjóla Dögg Halldórsdóttir, Guðfinna Ýr Sumarliðadóttir, Guðrún Olga Sigurðardóttir, Ingunn Jónsdóttir, Jónína Erna Gunnarssdóttir, Lovísa Tinna Magnúsdóttir, Sandra Ósk Grímsdóttir, Sunna Hrönn Hermannsdóttir, Svanhvít Lilja Ingólfsdóttir, Svava Kristjánsdóttir - Passíusálmar í Skálholti 2001
Gunnar Erlingsson: Trommur - Hús Datt (Megasukk) 2005
Birgir Bragason: Bassi - Hús Datt (Megasukk) 2005
Guðmundur Pétursson: Stálgítar, rafgítar, ukulele - Hús Datt (Megasukk) 2005/Frágangur (Senuþjófarnir) 2007/Hold Er Mold (Senuþjófarnir) 2007/Á Morgun (Senuþjófarnir) 2008
Gísli Víkingsson: Harmonikka - Hús Datt (Megasukk) 2005
Rúnar Marvinsson: Bongótrommur - Hús Datt (Megasukk) 2005
Raddir: Helga, Svana, Silja, Katrín, Gunnar, Gunnar - Hús Datt (Megasukk) 2005
Sigurður Guðmundsson: Bassi - Frágangur (Senuþjófarnir) 2007/Hold Er Mold (Senuþjófarnir) 2007/Á Morgun (Senuþjófarnir) 2008
Nils Olof Törnqvist: Trommur, ásláttur - Frágangur (Senuþjófarnir) 2007/Hold Er Mold (Senuþjófarnir) 2007/Á Morgun (Senuþjófarnir) 2008
Mikael Svensson: Píanó, orgel - Frágangur (Senuþjófarnir) 2007/Hold Er Mold (Senuþjófarnir) 2007/Á Morgun (Senuþjófarnir) 2008
Guðmundur Kristinn Jónsson: Rafgítar, kassagítar - Frágangur (Senuþjófarnir) 2007/Hold Er Mold (Senuþjófarnir) 2007/Á Morgun (Senuþjófarnir) 2008
Sigríður Thorlacius: Söngur - Frágangur (Senuþjófarnir) 2007/Hold Er Mold (Senuþjófarnir) 2007
Vala Gestsdóttir: Víóla - Frágangur (Senuþjófarnir) 2007/Hold Er Mold (Senuþjófarnir) 2007
Maja Landin: Klarínetta - Frágangur (Senuþjófarnir) 2007/Hold Er Mold (Senuþjófarnir) 2007
Eiríkur Orri Ólafsson: Trompet - Frágangur (Senuþjófarnir) 2007
Davíð Þór Jónsson: Orgel, píanó - Á Morgun (Senuþjófarnir) 2008
Kammersveit McMinnville undir stjórn Chris Carmichael - Á Morgun (Senuþjófarnir) 2008

18.11.2008 22:51

Lesið vandlega

Nú ætla ég stjórnandi/eigandi síðunnar að vera með hljómsveit/flytjanda hálfsmánaðarlega ef það er ekki of stuttur eða langur tími til að fjalla um flytjandann. Skrifa upplýsingar um viðkomandi hljómsveit/flytjanda og fjalla um eitt lag á dag eða fleiri eftir því hvað hljómsveit/flytjandi er afkastamikil(l). Dæmi: flestir velja þetta skiptið: The Beatles og þá verður fjallað um þá. Þeir gáfu út 13 LP plötur þannig að nógu er að taka, en taka þarf tillit til þess að ég get hafnað og samþykkt eins og ég vill því betra er að ég eigi eitthvað með viðkomandi hljómsveit/flytjanda, á reyndar óhemju mikið magn af tónlist þannig að nóg er til að velja úr. Skrifið endilega í álit hvaða hljómsveit/flytjanda þið viljið að ég fjalli um þetta skiptið. Ætla bara að láta vaða og byrja umfjöllun mína á föstudaginnn 21. nóvember 2008.

18.11.2008 00:57

36 dagar til jóla

Nú ætla ég stjórnandi/eigandi síðunnar að vera með hljómsveit/flytjanda hálfsmánaðarlega ef það er ekki of stuttur eða langur tími til að fjalla um flytjandann. Skrifa upplýsingar um viðkomandi hljómsveit/flytjanda og fjalla um eitt lag á dag eða fleiri eftir því hvað hljómsveit/flytjandi er afkastamikil(l). Dæmi: flestir velja þetta skiptið: The Beatles og þá verður fjallað um þá. Þeir gáfu út 12 LP plötur þannig að nógu er að taka, en taka þarf tillit til þess að ég get hafnað og samþykkt eins og ég vill því betra er að ég eigi eitthvað með viðkomandi hljómsveit/flytjanda, á reyndar óhemju mikið magn af tónlist þannig að nóg er til að velja úr. Skrifið endilega í álit hvaða hljómsveit/flytjanda þið viljið að ég fjalli um þetta skiptið. Ætla bara að láta vaða og byrja umfjöllun mína á föstudaginnn 21. nóvember 2008.

15.11.2008 18:43

39 dagar til jóla

Lífi mínu er borgið, REYKJAVÍK eru búnir að gefa út aðra skífu og er hún númer 2 hjá þeim og heitir THE BLOOD. Sú fyrri kom út 2006 og þessi var að koma út í nóvember 2008.


REYKJAVÍK - THE BLOOD 2008 (KIMI RECORDS)
(EXTRA SPECIAL EDITION)
THE BLOOD TRACKS, in order of appearance:
THE BLOOD
Kate Bush
Acid Rain
Repticon
Æji, plís!
We´re not ready for a relationship with god. What were you thinking?
Campo Viejo, 2004
TERROROCRACY feat. Ben Frost
Fokk Nietzsche
I AM THE TALKING TREE
Random Acts

Reykjavík is Bóas, Gummi, Haukur, Kristján, Valdi, Geiri.

13.11.2008 15:59

41 dagur til jóla

Lífi mínu er borgið, REYKJAVÍK eru búnir að gefa út aðra skífu og er hún númer 2 hjá þeim og heitir THE BLOOD. Sú fyrri kom út 2006 og þessi var að koma út í nóvember 2008.


REYKJAVÍK - THE BLOOD 2008 (KIMI RECORDS)
(EXTRA SPECIAL EDITION)
THE BLOOD TRACKS, in order of appearance:
THE BLOOD
Kate Bush
Acid Rain
Repticon
Æji, plís!
We´re not ready for a relationship with god. What were you thinking?
Campo Viejo, 2004
TERROROCRACY feat. Ben Frost
Fokk Nietzsche
I AM THE TALKING TREE
Random Acts

Reykjavík is Bóas, Gummi, Haukur, Kristján, Valdi, Geiri.