HR. HAMMOND
   Farfisa professional
clockhere
Flettingar í dag: 374
Gestir í dag: 53
Flettingar í gær: 510
Gestir í gær: 53
Samtals flettingar: 6497362
Samtals gestir: 334154
Tölur uppfærðar: 13.12.2018 14:22:35

Færslur: 2008 Október

26.10.2008 16:38

Helgin 24.-26. október 2008

Eitt og annað hefur verið að gera hjá mér þessa helgina. Á föstudaginn var ég búinn að vinna klukkan 17:00 og kom við hjá foreldrum mínum áður en haldið var heim og þá voru þau á leiðinni í kistulagningu hjá mági hans pabba Steinþóri Sverri Steinþórssyni. Ég byrjaði föstudagskvöldið á því að horfa á Simpsons að sjálfsögðu og horði svo á beina útsendingu með Loga Bergmanni og Ríkið tók svo við íslenskur grínþáttur. Horfði svo á Útsvar á Rúv+ þar sem að Garðabær og Reykjavík áttust við þar sem að Garðabær vann. Var svo bara heima og nennti ómögulega að kíkja út á lífið. Laugardagurinn byrjaði svo á því að ég fór í jarðarför hjá Stonna mági hans pabba og svo var erfidrykkja að jarðaför lokinni. Laugardagskvöldið fór svo í að horfa á Spaugstofuna og Gott kvöld með Ragnhildi Steinunni þar sem að Birgitta Haukdal var gestur. Skellti mér svo á Kaffi Edinborg og komst þá að því að þar var dansleikur í gangi með Appolo og fór ég á herlegheitin þar sem að tekin voru töluverður slatti af lögum með ABBA eða BABA eins og hljómsveitin kallaði þau. Þrjár söngdýfur sáu um sönginn þær Helga Margrét Marzellíusardóttir, Dagný Hermannsdóttir og Svanhildur Garðarsdóttir. Það var alveg rosalegt stuð þarna. Sunnudagurinn hófst á því hjá mér að ég horfði á Chelsea - Liverpool klukkan 13:30 og Liverpool náði að landa sigri 0-1 þar sem að Xabi Alanso skoraði eftir að Chelsea hafði ekki tapað á heimavelli í einhver 4 og 1/2 ár sem er svakalegur árangur. Svo fór ég bara að hræra í tónlistinni minni og svo er það lokaþáttur í sakamálaþáttunum Svartir englar og að sjálfsögðu Dagvaktin sunnudagskvöld.

22.10.2008 21:52

TÓNLIST

Íbúðin mín er orðin yfirfull af TÓNLIST, allt um TÓNLIST, hljóðfæri og annað tengt TÓNLIST, eins og bækur, blöð, diskar, plötur, DVD og bara nefnið það. Ef ég hlusta ekki á TÓNLIST, horfi á allt um TÓNLIST, les mig til um TÓNLIST, skrái mína tónlist inn á http://www.123.is/hammond hvað er þá eftir, ja íþróttir koma strax þar á eftir og eru það KFÍ sem heillar núna í vetur ásamt að sjálfsögðu Liverpool. Ég er að sjálfsögðu að hlusta á tónlist núna og það er enn Megas sem er í spilaranum og svo einstaka önnur plata svona inn á milli og skrái ég það inn á síðuna mína hvað ég er að hlusta á hverju sinni undir hlustun.
Hr.Hammond kveður að sinni.

19.10.2008 00:09

Lífið er dásamlegt

Meistari Megas er búinn að vera í spilun hjá mér í allan dag nema fyrir utan einn knattspyrnuleik sem ég horfði á þegar Liverpool vann enn einn leikinn og voru það Wigan Athletic sem töpuðu þetta skiptið fyrir Liverpool 3-2 og reyndar horfði ég á Spaugstofuna og Gott Kvöld þar sem að Páll Óskar Hjálmtýsson var aðalgestur þáttarins en svo var bara hlustað meira á Meistara Megas og það fór um mig sælutilfinning við þetta allt saman.

11.10.2008 18:00

Elskumst í efnahagsrústunum.

Ég fór á snilldartónleika í gær. föstudaginn 10. október 2008. Þar spiluðu Skátar, Bloodgroup, Dix Atx og heimamaðurinn Dj. Dóri. Dj. Dóri spilaði létta slagara til að hita upp liðið svona í byrjun en svo stigu Dix Atx á sviðið. Dlx Atx eru: Greg Barrett bassi og Pétur Már Guðmundsson trommur. Svo stigu á stokk Bloodgroup sem fóru allveg á kostum og Skátar luku svo kvöldinu eða nóttinni með kraftmiklu og vel þéttu rokki. Maður fjárfesti að sjálfsögðu í diskum með Bloodgroup og Skátum og einum bol með Dix Atx. Þetta var bara eitt heljarins teiti. (Meira svona).
 
MYNDIR FARA AÐ DETTA INN.

Holland - Ísland kl. 18:45 11. október 2008. ÁFRAM ÍSLAND. Leikurinn endaði 2-0

03.10.2008 10:11

garg.is

Þetta er frábær síða fyrir þá sem vilja vita allt um tónlistarviðburði á Höfuðborgarsvæðinu til að byrja með en svo á þessi síða eftir að stækka og viðburðir kringum landið tengdir tónlist verða skráðir hér. slóðin er http://garg.is/
Án tónlistar væri lífið misskilningur.
  • 1