HR. HAMMOND
   Farfisa professional
clockhere
Flettingar í dag: 191
Gestir í dag: 38
Flettingar í gær: 390
Gestir í gær: 56
Samtals flettingar: 6496669
Samtals gestir: 334086
Tölur uppfærðar: 12.12.2018 04:05:51

Færslur: 2008 September

27.09.2008 15:23

Knattspyrna

Laugardagurinn 27. september í dag er nóg um að vera í knattspyrnu. Algjör grannaslagur í enska boltanum þar sem mættust Everton og Liverpool kl. 11:45 og Liverpool tók þetta létt 0-2 svo úrslitaleikur þar sem fæst skorið um hvort það verða Ísland eða Frakkland sem kemst á E.M. í knattspyrnu þar sem Íslandi dugar jafntefli kl. 14:00 en hann fór 2-1 og svo lokaumferðin í efstu deild karla í knattspyrnu þar sem bæði F.H. og Keflavík geta orðið Íslandsmeistarar en Keflavík nægir jafntefli kl. 16:00. FH vann 0-2 á meðan Keflavík tapaði heima 1-2 og á milli kl. 16:00 og 18:00 er afmælispartý Hamraborgar í tilefni 40 ára afmælis og það vill svo til að ég er búinn að setja inn myndir frá herlegheitunum.

22.09.2008 16:56

Tónlistardagurinn mikli 2008

Helgin var bara alveg stórfín, tók því nú samt rólega á föstudagskvöldinu. Í imbakassanum var söfnunarþáttur með skemmtiatriðum á Stöð 2 og á Rúv, Útsvar og á Skjá einum kl. 21:00 var svo söngvaþátturinn Singing Bee þar sem að tvö fyrirtæki keppa sín á milli um það hver er betri í að muna texta. Á laugardeginum rölti ég aðeins um bæinn en fór bara í Hamra að hlusta á nokkur atriði eins og til að mynda Virtual Motion og svo Hamraborg að hlusta á gömlu góðu kallana Villa Valla, Óla Kristjáns, Magnús Reyni og Samma Einars ásamt þeim yngri mönnum Palla Önundar og Stebba Baldurs. Upp úr kl. 15:00  fór ég í 30 ára afmæliskaffi til Baldurs Smára og um kvöldið var farið út á torg að hlusta á Lúðrasveit tónlistarskólans ásamt svaka kór og svo beint þaðan niður í Edinborgarhúsið þar sem Fjallabræður tóku lagið ásamt hljómsveit. Eftir það var svo flugeldasýning sem heppnaðist heldur betur vel og svo upp úr 22:00 fór ég inn á Kaffi Edinborg og hlustaði enn meir á Virtial Motion og var þar til 3:00 þá fór ég bara heim. Var svo í flutningum fyrir Önnu og Kristján á sunnudeginum. Í imbanum á sunnudagskvöldinu var svo að byrja Svartir englar eftir sögu Ævars Arnar Jósepssonar sem eru á Rúv og á Stöð 2 byrjaði Dagvaktin en ég horfði reyndar bara á þetta af upptöku sökum anna. Takk fyrir mig. MYNDIR FARA AÐ DETTA INN.

13.09.2008 23:14

Helgin

Föstudagurinn 12. september 2008
Fór á tónleika með Svavari Knúti Kristinssyni kl. 22:00 og tók að sjálfsögðu myndir og svo spilaði hann fram eftir öllu og þetta var bara heljar stuð þannig að ég skemmti mér bara alveg æðislega get ekki kvartað.

Laugardagurinn 13. september 2008
Ég settist niður fyrir framan sjónvarpið um 11:40 og fór að horfa á
Liverpool - Manchester United.
Liverpool sýndi mikinn styrk með því að leggja Manchester United að velli á Anfield um hádegisbilið í dag. Liverpool sneri tapstöðu sér í hag og vann magnaðan og sætan sigur. Þetta var fyrsti deildarsigur Liverpool gegn Manchester United á heimavelli frá því í nóvember 2001. Það var því ekki að undra að stuðningsmenn Liverpool skyldu fagna í sólinni þegar flautað var til leiksloka!

Báðir framkvæmdastjórarnir tefldu nýju mönnunum sínum fram í þessum mikilvæga leik. Albert Riera var í liði Liverpool og það sama má segja um Dimitar Berbatov í liði gestanna. Þeir Steven Gerrard og Fernando Torres voru á hinn bóginn á varamannabekknum hjá Liverpool. Leikmenn Liverpool virtust ekki vera vaknaðir í góða veðrinu þegar leikurinn hófst. Strax í byrjun átti Dimitar skot sem fór í höndina á Martin Skrtel og það hefði vissulega verið hægt að dæma vítaspyrnu. Liverpool slapp þó ekki á 3. mínútu og aftur var það Dimitar sem gerði usla í vörn Liverpool. Hann fékk boltann hægra megin í teignum og lék upp að endamörkum. Þar sendi hann boltann til baka út á Carlos Tevez og Argentínumaðurinn sendi boltann af öryggi út í hægra hornið frá vítateignum. Vörn Liverpool var galopin og Javier Mascherano lét vinn sinn sleppa frá sér þannig að hann fékk frítt skot. Leikmenn Liverpool voru alveg slegnir út af laginu fyrst á eftir markinu og útlitið var langt frá því gæfulegt. En liðið hresstist þó smá saman. Á 11. min. fékk Liverpool hornspyrnu frá hægri sem Fabio Aurelio sendi fyrir. Ewdin Van der Sar kom út úr markinu en missti boltann yfir sig. Dirk Kuyt fékk boltann við fjærstöngina en náði ekki föstu skoti og landi hans var kominn á svæðið og náði að verja. Það vart hert tekist á og stuðningsmenn Liverpool höfðu áhuga á að fá vítaspyrnu þegar hart var sótt að Albert Riera inni í vítateignum. Spánverjinn var mjög sprækur á vinstri kantinum og notaði hvert tækifæri til að herja á vörn gestanna. Á 27. mínútu dró verulega til tíðinda. Xabi Alosno átti þá skot, utan teigs hægra megin, sem hrökk í höndina á Patrice Evra sem var inni á teignum. Boltinn hrökk svo fyrir markið í átt að Wes Brown sem Albert sótti að. Edwin kom æðandi út úr markinu og hugðist bægja hættunni frá með því að slá boltann í burtu. Það tókst ekki betur til en svo að hann sló boltann í sköflunginn á Wes og af honum rúllaði boltinn í markið! Algjör gjöf hjá vörn Manchester United en henni var vel tekið á Anfield. Strax í næstu sókn munaði litlu að Carlos kæmi United aftur yfir en hann mokaði boltanum yfir úr góðu færi í teignum. Fátt gerðist meira markvert fram að leikhléi og liðin voru jöfn þegar það kom.

Leikmenn Liverpool voru nú glaðvaknaðir og þeir komu gríðarlega ákveðnir til leiks í síðari hálfleik.  Liverpool átti skæðar sóknir og varnarmenn United urðu að vera vel vakandi. Á 56. mínútu komst Yossi Benayoun inn á vítateiginn eftir góða sendingu frá Robbie Keane en færið var þröngt og Edwin náði að verja. Rétt á eftir átti Javier skot utarlega úr teignum vinstra megin en boltinn fór framhjá markinu. Þar vantaði mann inn á teig til að stýra boltanum í markið. Liverpool hafði nú öll völd en það vantaði að koma boltanum í markið. Á 68. mínútu var Steven Gerrard skipt inn á fyrir Yossi. Hann var greinilega smá tíma að átta sig og litlu síðar missti hann boltann til Ryan Giggs sem líka kom inn sem varamaður. Walesverjinn var snöggur að átta sig og skaut góðu bogaskoti að marki. Jose Reina var hins vegar vel á verði og sló boltann yfir. Þetta var í fyrsta sinn sem gestirnir ógnuðu í seinni hálfleiknum. Nýliðinn Albert fór af velli á 71. mínútu og stuðningsmenn Liverpool klöppuðu honum verðskuldað lof í lófa því hann sóð sig sannarlega vel í frumraun sinni. Ryan Babel leysti Spánverjann af hólmi.

Það var svo á 77. mínútu sem Liverpool náði að skora markið sem liðið verðskuldaði. Boltinn barst þá upp að endalínunni vinstra megin. Ryan ætlaði að láta boltann rúlla aftur fyrir endamörk en Javier hafði aðrar hugmyndir. Hann renndi sér á boltann og sópaði honum út í teiginn. Þar fékk Dirk, sem átti stórleik, boltann. Hann leit upp og sá landa sinn Rayn Babel á auðum sjó úti í teignum. Dirk sendi hánákvæma sendingu út á Ryan sem skaut að marki. Skotið virtist ekki heppnast fullkomlega því boltinn fór í jörðina en það var hið besta mál því við þetta sveif boltinn hárnákvæmt framhjá Edwin og varnarmönnum United og í markið! Auðvitað gerðist þetta allt fyrir fram The Kop! Stuðningsmenn Liverpool gengu af göflunum af fögnuði og skyldi engan undra! Rétt á eftir hefði United átt að missa manna af velli þegar Nemanja Vidic felldi Robbie Keane sem var að sleppa einn í gegn. Hann slapp með gult spjald. Liverpool hafði öll tök til leiksloka og gestirnir náðu ekkert að ógna. Vörnin var svo styrkt þegar Sami Hyypia leysti hinn óþreytandi Javier af hólmi á 87. mínútu. Rétt áður ætlaði Rafael að skipta Robbie af velli og setja David Ngog inn á en hætti við á síðustu stundu þegar Javier varð fyrir meiðslum. Á lokamínútunni fékk Nemanja sitt annað gula spjald og var vikið af velli eftir að hafa keyrt harkalega á Xabi í loftbardaga. Liverpool átti svo að skora þriðja markið þegar Rayn Babel lék Wes upp úr skónum uppi við endamörkin og sendi fyrir markið á Dirk en Edwin náði að verja af stuttu færi. Verðskulduðum sigri Liverpool varð ekki ógnað og stuðningsmenn Liverpool fögnuðu gríðarlega þegar yfir lauk. Það var svo sannarlega tími til kominn að leggja Manchester United að velli. Ekki spillti gleðinni að Liverpool fór í efsta sætið!

Liverpool verðskuldaði sannarlega þennan sæta sigur. Ekkert virtist ætla að ganga, frekar en í síðustu rimmum liðanna, þegar meistarararnir náðu að komast yfir snemma leiks. En leimenn Liverpool bitu í skjaldarrendur og sneru leiknum sér í hag af mikilli ákveðni. Frábær sigur sem vonandi gefur liðinu góðan skammt af sjálfstrausti fyrir komandi leiki!

Liverpool: Reina, Arbeloa, Skrtel, Carragher, Aurelio, Benayoun (Gerrard 68. mín.), Alonso, Mascherano (Hyypia 87. mín.), Riera (Babel 71. mín.), Kuyt og Keane. Ónotaðir varamenn: Cavalieri, Dossena, Torres og Ngog.

Mörk Liverpool: Wes Brown, sm. (27. mín.) og Ryan Babel (77. mín.).

Manchester United: Van der Sar, Brown, Ferdinand, Vidic, Evra, Rooney, Scholes (Hargreaves 66. mín.), Carrick (Giggs 46. mín.), Anderson (Nani 78. mín.), Tevez og Berbatov. Ónotaðir varamenn: Kuszczak, Evans, O´Shea og Fletcher.

Mark Manchester United: Carlos Tevez (3. mín.).

Rautt spjald: Nemanja Vidic.

Gul spjöld: Carlos Tevez, Nemanja Vidic, Luis Nani.

Áhorfendur á Anfield Road: 44.192.

Maður leiksins: Ryan Babel. Hollenski strákurinn spilaði ekki nema í nítján mínútur eftir að hafa komið inn sem varamaður. Einhverjir aðrir leikmenn Liverpool léku kannski betur en hann kom mjög ákveðinn til leiks og fór strax að herja á vörn gestanna. Svo skoraði hann sigurmarkið í leiknum! Vegna þess var Ryan maður leiksins! Rökrétt ekki satt?

Maður leiksins samkvæmt Liverpoolfc.tv: Javier Mascherano.

Rafael Benítez: Þetta var virkilega góður sigur. Við fengum á okkur mark snemma leiks en við sýndum mikinn styrk og vorum betri aðilinn gegn sterkum mótherjum. Við lögðum hart að okkur í síðari hálfleik og vorum betra liðið á vellinum. Sigurinn var mjög mikilvægur fyrir sjálfstraust leikmannanna og við vitum að við getum lagt hvaða lið sem er að velli.

Fróðleiksmoli: Þetta var 50. deildarsigur Liverpool á Manchester United.

Hér eru myndir úr leiknum af Fox Sport.

Sigurmarkinu fagnað:-)

Fór svo á úrslitaleik í 3. deild á Torfnesvelli á Ísafirði milli BÍ/Bolungarvík og Hamrarnir/Vinir sem endaði reyndar 1-3 tap fyrir okkar mönnum, ömurlegt. Þar tók ég fullt af myndum sem þið getið séð í flokknum "Myndaalbúm" undir "2008" en við unnum okkar riðil þar sem Hamrarnir/Vinir urðu reyndar í öðru sæti enn erum komnir upp þannig að þetta er allt á uppleið. 2. deildin að ári ekki slæmt það!!! Vinirnir frá Akureyrii skoruðu fyrsta markið en við jöfnuðum svo og náðum að skora annað til sem var reyndar dæmt af vegna rangstöðu ömurlegt það en Hamar/Vinir misstu svo mann af velli með rautt spjald en náðu samt að skora og unnu svo 1-3

06.09.2008 11:21

Afþreyjing

Það sem fólk tekur sér til dundurs hérna fyrir vestan á stór-Vestfjarðarsvæðinu nánar tiltekið á Ísafirði. Það var haldið knattspyrnumót í RUDDABOLTA og reglurnar eru þannig að það eru engar reglur, en tekið skal fram að þetta er RUDDABOLTI en ekki HROTTABOLTI, það var því þörf á dómurum til að skakka leikin ef út í óefni færi. Leikmaður fékk 2 mínútna brottvísun fyrir HROTTALEGT brot. Keppt var í karla og kerlingaflokki og sigruðu Mudsuckers í karlaflokki og hlutu RUDDANN og Hósana Heilts í kellingaflokki og hlutu TRUNTUNA og eru þetta farandbikarar. Annars er úrslitakeppnin í 3. deild í gangi og mætir BÍ/Bolungarvík - KV á heimavelli í fyrrileik liðanna kl. 14:00 í dag, hinn fer fram á KR vellinum 9. sept. kl. 17:15. Við erum jafnvel á leiðinni upp!!! Hver veit

04.09.2008 16:42

Ég er ánægðasti maður í heimi

Drekktu betur heldur áfram á Kaffi Edinborg.
Drekktu betur heldur áfram á Kaffi Edinborg.

bb.is | 04.09.2008 | 08:55Ísfirðingar drekka enn betur

Í kvöld mun "Drekktu betur" keppnin hefja göngu sína á nýjan leik á Kaffi Edinborg á Ísafirði. Keppnin verður með sama fyrirkomulagi og áður og hefst kl 21:00. "Vegna fjölda áskoranna mun Kaffi Edinborg taka við keflinu," segir Gunnar Atli Gunnarsson umsjónarmaður keppninnar. Drekktu betur hóf leik á Sjallanum sáluga árið 2005 en fluttist svo yfir á Langa Manga sem hætti rekstri í endaðan júlí síðastliðinn. Spyrill kvöldsins verður Halldór Smárason og þema kvöldsins er tónlist.

birgir@bb.is

Til baka - Prenta frétt - Senda frétt
  • 1