HR. HAMMOND
   Farfisa professional
clockhere
Flettingar í dag: 1016
Gestir í dag: 55
Flettingar í gær: 1207
Gestir í gær: 61
Samtals flettingar: 6499712
Samtals gestir: 334280
Tölur uppfærðar: 15.12.2018 12:46:05

Færslur: 2008 Ágúst

29.08.2008 19:03

Andlát

Ég fékk slæma frétt um 18:00 í dag um það að bróðir hennar mömmu frændi minn Björgvin Ingimar Friðriksson hefði látist í dag fæddur 1951 57 ára á þessu ári. Hann hafði barist við krabbamein og sveppasýkingu í langan tíma og það var bara spursmál hvenær hann færi. Samhryggist ég mömmu og hennar systkinum og mökum. Þau voru 9 talsins með Ingimari og samhryggist ég einnig ættingjum mínum í móður ætt. Guð blessi ykkur.

25.08.2008 19:31

Tónleikar

Ég hef fært inn tónleika sem eru hér á Ísafirði og nágrenni og hægt er að skoða hér fyrir ofan undir Tónleikar og fór einmitt á tónleika með Heru Hjartardóttur á laugardaginn 23. ágúst og þið getið skoðað myndir í Myndaalbúmi undir nýjustu albúmin eða möppunni 2008

24.08.2008 21:26

Silfur

Ég vaknaði klukkan 05:00 í morgunn 24. ágúst til að horfa á úrslitaleikina í handknattleik karla á ólympíuleikunum og það voru Spánverjar sem hirtu bronsið og svo var það leikurinn um gullið Ísland - Frakkland þar sem augljóst var hverjir voru betri en að fá gull á ólympíuleikum er bara stórkostlegt og stuðið og stemningin þarna var ólýsanleg. Ég er svo ánægður að íslensku handknattleiksstrákarnir fengu silfrið því það er meir enn að segja það en svona er þetta. Ég óska að sjálfsögðu strákumum til hamingju og segji áfram.,ÁFRAM ÍSLAND.







22.08.2008 14:15

Áfram Ísland

Nú eru íslendingar komnir í úrslitaleikinn í handbolta á ólympíuleikunum og djöfull missti ég mig við að horfa á hann. Ég var við það að fara að gráta að gleði, þvílík var gleðin 36-30. Ég segji bara áfram Ísland. Úrslitaleikurinn verður um 07:35 á sunnudagsmorgun að okkar tíma.


16.08.2008 10:39

Íþróttir og aftur íþróttir

Það sem er að frétta hjá mér er það að enski boltinn byrjar í dag og Liverpool leikur fyrsta leik sinn á útivelli gegn Sunderland, nú verður fjör þegar enski boltinn byrjar. Ólympíuleikarnir í Beijing halda að sjálfsögðu áfram og það er það að frétta að við tókum Þjóðverjana í kennslustund fyrir nokkrum dögum en töpuðum svo með einu marki fyrir Suður-Kóreu á fimmtudaginn enn hefðum geta staðið okkur betur. Leikur gegn Dönum í dag laugardag klukkan 12:45 og það verður svona 50:50 leikur myndi ég segja. Ég er bara búinn að vera að vinna þessa vikuna enn skrapp á Kaffi Edinborg á föstudagskvöldinu og það má alveg búast við því að ég kíkji aftur í kvöld laugardagskvöld. Jæja það er ekki mikið meira að frétta þannig að ég læt þetta duga í bili.

10.08.2008 11:15

Beijing 2008

Nú er sko gaman, ólympíuleikarnir í Beijing hafnir og íslendingar byrjaðir að keppa. Handboltaliðið stóð sig frábærlega í fyrsta leiknum gegn Rússlandi og voru ætíð yfir og unnu að lokum 33 - 31 glæsilegt það en aðrir keppendur hafa ekki staðið sig eins vel. Ragna Ingólfsdóttir meiddist og varð að hætta keppni, og sundliðið hefur ekki staðið sig neitt of vel en Örn Arnarson á eftir að hefja leik. Það er reyndar bara sundfólkið okkar sem er að keppa núna í einstaklingskeppni. En stuðið heldur áfram þennan mánuðinn.


05.08.2008 23:25

Verslunarmannahelgin 1.-4. ágúst 2008

Verslunarmannahelgin 1.-4. ágúst var bara fín hjá mér. Á föstudagskvöldinu fór ég á dansleik með Buff sem voru aldrei betri, rosaleg stemning, stuð og gaman. á laugardeginum skellti ég mér svo til Tálknafjarðar með Önnu syss, kallinum hennar Kristjáni og Bryndísi syss. Mamma og pabbi og 3 börn Önnu og Kristjáns höfðu farið á fimmtudeginum. Á laugardeginum þegar komið var þangað var bara legið í leti og spjallað en á sunnudeginum var farið í sund, þeir sem nenntu og svo í bíltúr yfir í Arnarfjörð og nágrenni, komum við í Bíldudal og kíktum á Tónlistarsafn Jóns Kr. Ólafssonar Melódíur Minninganna, þeir sem því nenntu. Svo var haldið í Selárdal og svo kíkt á Uppsali þar sem Gísli Gíslason bjó enn hann lést 1986. Við sáum svo Hvestudal sem er augnayndi en þar á víst að fara að reisa olíuhreinsunarstöð (eða svo er sagt). Svo þegar komið var á
tjaldstæðið á Tálknafirði var etið svolítið og svo legið í leti en þegar leið á kvöldið var kveikt á útvarpinu og hlustað á Rás 2 sem sendi beint út brekkusönginn hans Árna Johnsen og svo var næturvaktin á Rás 2 í stuði og vorum við bara að spjalla og njóta lífsins þangað til farið var að sofa. Á mánudeginum var farið að hafa sig til heimferðar og svo var bara lagt í hann. Stoppað stutta stund í Flókalundi og svo farið að Dynjanda og hann skoðaður í bak og fyrir. Svo stóðu bílstjórarnir bara hræin heim í heiðardalinn Ísafjörð og þannig endaði þessi helgi. Myndir hér.

01.08.2008 19:40

Megas og Senuþjófarnir

Ég var snöggur að kaupa eðalgripinn þegar hann barst í Eymundsson hérna fyrri vestan.




Á morgun
Útgáfuár: 2008
Tegund: Dægurlög
Útgefandi: Sena

  1. hagavagninn (Jónas Jónasson - Ragnar Jóhannesson)
  2. Litla stúlkan (Steingrímur Sigfússon)
  3. Frændi þegar fiðlan þegir (Pjetur Sigurðsson - Halldór Laxness)
  4. Fornt ástarljóð enskt (Erlent lag, útsetning Megas - Halldór Laxness / Ben Jonsson)
  5. Brúnaljósin brúnu (Jenni Jónsson)
  6. Þórsmerkurljóð Erlent lag - Sigurður Þórarinsson)
  7. Á morgun (Ingibjörg Þorbergs)
  8. Játning (Sigfús Halldórsson - Tómas Guðmundsson)
  9. Æskuminning (Ágúst Pétursson - Jenni Jónsson)
10. Manstu gamla daga (Alfreð Clausen - Kristín Clausen)
11. Þórður Kakali (Erlent lag, útsetning Megas - Hannes Hafstein / Björn Blöndal)
12. Selja litla (Jón Jónsson frá Hvanná - Guðmundur Ingi Kristjánsson)
13. Stína ó Stína (Árni Ísleifsson - Aðalsteinn Aðalsteinsson)
14. Hvert örstutt spor (Jón Nordal - Halldór Laxness)
15. Þegar hnígur húm að þorra (Erlent lag, útsetning Megas - Hannes Hafstein)
16. Vals moderato (Magnús Pétursson)
  • 1