HR. HAMMOND
   Farfisa professional
clockhere
Flettingar í dag: 124
Gestir í dag: 40
Flettingar í gær: 600
Gestir í gær: 73
Samtals flettingar: 6495848
Samtals gestir: 333963
Tölur uppfærðar: 10.12.2018 05:28:00

Færslur: 2008 Apríl

22.04.2008 17:03

Bubbi Morthens

Ég hef verið að hlusta á plötur Ásbjarnar og það tekur sinn tíma skal ég segja ykkur. Ég hlustaði fyrst á Ísbjarnarblús frá 1980 sem markar upphaf Utangarðsmanna á plötu þessari eru lög sem eru fyrir löngu orðin sígild eins og titillagið sjálft og til dæmis Agnes og Friðrik sem fjallar um seinustu aftöku okkar íslendinga, M.B. Rosinn sem fjallar um sjóara sem koma í land og fara út á lífið eins og segir í textanum sem er eftir bróðir Ásbjarnar, Þorlák
"Í svita slori og áfengi
við fílum okkur best.
Áhöfnin á Rosanum
sem aldrei edrú sést"
Jón Pönkari þar sem lagið er eftir Utangarðsmenn og spila þeir í laginu en textinn er eftir Gunnar Ægisson. Og svo má ekki gleyma lagini Stál og hnífur sem hefur markað spor í tónlistarsögu íslendinga. Utangarðsmenn voru svo næstir og var það þeirra eina stóra plata Geislavirkir frá 1980 sem ég hlustaði á og þar eru lög sem allir hafa heyrt oftar enn einu sinni, Hiroshima að sjálfsögðu, Kyrlátt kvöld, Ég vil ekki stelpu eins og þig, Poppstjarnan og þeirra útgáfa af Laus og liðugur (Sigurður var sjómaður) lag Jónatans Ólafssonar og texta Núma Þorbergssonar/Utangarðsmanna . Svo var komið að plötu sem átti eiginlega að vera næsta stóra plata Utangarðsmanna þar sem að þeir höfðu sótt stíft til útgefanda síns Steinars Bergs Ísleifssyni að fá að fara í hljóðver og taka upp efni fyrir aðra breiðskífu af því varð þó ekki. Steinar kallinn hafði samið við Ásbjörn sem einherja um líkt leyti og hann munstraði Utangarðsmenn á samning. Á útmánuðum 1981 var Steinar farinn að skynja þá misbresti sem komnir voru í samstarf Utangarðsmanna. Hann varð ekki við óskum sveitarinnar heldur fékk Ásbjörn til að taka upp sína aðra sólóplötu og fékk hún nafnið Plágan og kom út á árinu 1981 það besta sem hann hafði gert hingað til og til halds og traust voru meðlimir Utangarðsmanna þeir Rúnar Erlingsson, Magnús Stefánsson og Mike Pollock en Danny Pollock vildi ekki taka þátt í þessu dæmi. Tómas M. Tómasson Stuðmaður og Þurs sá um takkana og fékk Þórð félaga sinn úr Stuðmönnum og Þursum og Þorstein Magnússon til að spila í nokkrum lögum. Næst hlustaði ég á hálfgerða safnplötu með Utangarðsmönnum, Í upphafi skyldi endinn skoða, þar sem helmingurinn eru lög sem komið höfðu út áður en restin lög sem höfðu ekki verið þrykkt á plast áður. Þarna er lagið Ég vil ekki stelpu eins og þig með enskum texta og heitir þar I don´t wanna girl like you og Stooges lagið I wanna be your dog ásamt fleirum. Ego var svo hlustað á og á árinu 1982 gáfu þeir út 2 plötur, Breyttir tímar kom fyrst út og þar eru lög sem við íslendingar höfum heyrt svo oft og oft verið spiluð í útvarpi, lög eins og Móðir og Stórir strákar fá raflost. Seinni plata sem kom út á árinu 1982 með Ego og önnur í röðinni af þrem sem sveitin sendi frá sér heitir í mynd og þar eru ekki síðri smellir eins og til dæmis Þeir trúðu blint, Meskalín og stórsmellurinn Fjöllin hafa vakað. Árið 1983 koma aðeins út ein stúdíó plata frá kónginum og fékk nafnið Fingraför og tileinkaði hann plötuna Gretne Skotte Petersen móður sinni og var hún næst í röðinni í hlustun. Þar fékk hann Megas til liðs við sig og samdi meistari Megas 2 lög á plötunni sem þeir syngja saman og eru það lögin Heilræðavísur og slagarinn Fatlafól sem er eitt vinsælasta lag Megasar fyrr og síðar, þarna eru líka lögin Lög og regla og Afgan eitt besta lag kóngsins. Ásbjörn var afskaplega afkastamikill í útgáfu árið 1984 og hlustaði ég næst á þær 3 plötur sem komu út á því herrans ári, fyrst var það 3 og seinasta plata Egosins sem heitir eftir sveitinni en náði ekki þeim hæðum sem fyrri 2 gerðu, lög eins og Blýhöfuð og Albert og Lucý eru bestu lögin á plötunni en náðu ekki miklum vinsældum. Um sumarið kom svo snillingurinn með Stúdíó plötu sem ber nafnið Ný spor og þar kom hann að efni sem var viðkvæmt og fjallar um samkynhneigð eins og segir í laginu Strákarnir á borginni.
"Sonur minn er enginn hommi
hann er fullkominn eins og ég"
Hann endaði svo árið 1984 með að koma með plötu með hljómsveit sem hann hafði stofnað fyrr á árinu hljómsveitina Das Kapital og gaf hún aðeins út eina plötu og kom hún út í október 1984 og ber nafnið Lili Marlene. Lög eins og Launaþrællinn, Leyndarmál frægðarinnar og þeirra útgáfa af þýska laginu Lili Marlene sem kóngurinn gerði sína útgáfu af textanum á dönsku þar sem að móðir hans heitin er dönsk í húð og hár hún Gretne skotte Pettrsen og Eitt hans frægasta lag Blindsker. Svo var það tímamótaplatan Kona frá 1985 sem ég hlustaði á. Á þeirri plötu var kóngurinn orðinn breyttur maður þar sem hann hafði gengið í gegnum skilnað og textarnir voru orðnir tregafullri. Ásbjörn skellti sér þetta árið í meðferð að ráði vina sinna og reyndi að hefja nýtt líf, hann hafði reyndar verið byrjaður að taka upp plötuna Konu ásamt Tryggva Þór Herbertssyni upptökustjóra en hann gafst upp á kónginum vegna vímuefnaneyslu hans. Tómas M. Tómasson tók við plötunni á meðan kóngurinn var í meðferð. Ásbjörn hafði samið nokkur lög og texta í meðferðinni á Staðarfelli og kom nýr og betri maður að upptökunum sem Tómas sá alfarið um sem upptökustjóri og spilaði einnig eitthvað á hljómborð. Lög á plötunni sem löngu eru orðin sígild í eyrum okkar íslendinga eru Talað við gluggann, Kona og Rómeó og Júlía. Það seinasta sem ég hef verið að hlusta á með Ásbirni Kristinssyni Morthens kom út árið 1986 og eru plöturnar Blús fyrir Rikka og Frelsi til sölu. Á plötunni Blús fyrir Rikka er eingöngu spilað á gítar og sér Bubb alfarið um allan gítarleik og syngur. Hann fékk meistara Megas til að spila með sér á nokkrum tónleikum sem hljóðritaðir voru fyrir þessa plötu enn sum laganna eru stúdíó upptökur. Tvö lög eru á þessari plötu eftir meistara Megas, Skutullinn sem Bubbi syngur einn (stúdíó upptaka), og Um skáldið Jónas sem þeir syngja saman á tónleikum. Einnig syngja þeir saman lagið Ísbjarnarblús upptaka af tónleikum þar sem meistarinn fer alveg á kostum og segir til að mynda þar sem hann á erfitt með að fara rétt með texta eftir aðra.
"Milljón ýsur á færibandinu þokast nær."
Frelsi til sögu markaði spor í sögu Bubba þar sem hann fær til liðs við sig svíann Christian Falk úr sænsku rokkhljómsveitinni Imperiet og reddaði hann samningi fyrir Bubba við sænska útgáfufyrirtækið Mistlur. Christian Falk sá um upptökur, hljóðblöndun og hljóðfæraleik, til að mynda trommur, bassa, gítar og hljómborðsleik enn einnig komu fleiri hljóðfæraleikarar við sögu. Mörg laganna á plötunni þekkja flestir eins og Serbinn, Er nauðsynlegt að skjóta þá?, Augun mín, Gaukur í klukku og Stikkfrí. Hann var að spila með MX-21 á þessum tíma og sem aukalög á þessari skífu (CD) eru perlurnar Skyttan og Skapar fegurðin hamingjuna? sem Bubbi og MX-21 gáfu út. Núna ætla ég að halda áfram að hlusta á KÓNGINN sjálfan Ásbjörn Kristinsson Morteins. Bless á meðan.

12.04.2008 11:35

Síðan skein sól

Ég vaknaði við það á föstudagsmorgun 11. apríl að það var komið vonskuveður og snjójaði ansi mikið og hugsaði ég með mér að á ekki að fara að vora. Ég kláraði svo vinnudaginn og fór svo bara heim og gerði minnst lítið horfði á Útsvar og Svalbarða og það var það helsta, vaknaði svo á laugardagsmorgun 12. apríl að það skein sól inn um svefnherbergisgluggann hjá mér og það heldur betur og ég get ekki annað en sagt að snjórinn verður snöggur  að fara ef sólin helst eitthvað á lofti. Hvað ég á eftir að gera af mér í dag er ekki gott að segja þar sem að Liverpool mætir Blackburn Rovers á morgun sunnudag á Anfield en í kvöld er náttúrlega söngvakeppni framhaldsskólanna og verður hún sýnd beint í ríkissjónvarpinu og mun ég að öllum líkindum horfa á keppnina.
E.S. Ég get þá ekki en annað sagt: Síðan skein sól.

09.04.2008 17:22

Jájá

er að læra in á þetta nýja kerfi hjá 123.is en það kemur þannig að ég blogga þegar ég get en er í STUÐI.

04.04.2008 19:19

123.is

Þá er þetta allt komið í samt lag sem stjórnendur 123.is voru að gera. Þeir voru að bæta kerfi 123.is og gera þetta enn betra þannig að þetta á bara aftir að svínvirka. En af mér er það að frétta að það er komið helgarfrí og ætla ég að reyna að njóta helgarinnar sem best og segji bara áááááááááá. Eru ekki allir í stuði!!!

02.04.2008 17:00

123.is

Stjórnendur 123.is eru að uppfæra kerfið þannig að ég hef átt í erfiðleikum með að blogga þannig að þið verðið bara að sýna biðlund en þetta kemur, hvenær veit ég ekki.
  • 1