HR. HAMMOND
   Farfisa professional
clockhere
Flettingar í dag: 303
Gestir í dag: 45
Flettingar í gær: 364
Gestir í gær: 69
Samtals flettingar: 6496391
Samtals gestir: 334037
Tölur uppfærðar: 11.12.2018 08:04:32

Færslur: 2007 Mars

27.03.2007 16:53

Myndband

Þetta er eitt svæsnasta myndband sem ég hef séð lengi

26.03.2007 11:51

Enn ein helgin búin

Þá er þessari helgi lokið og það sem var um að vera var að ég fór í jarðarför hjá góðvini mínum Unnari Rafni Jóhannssyni og hitti maður þá flest allan vinahópin eins og Óla Pétur, Begga, Jónas, Axel, Lúlla, Ægir, Grím, Jóa og svo maka. Baldur og frú voru reyndar stödd erlendis þannig að það vantaði eiginlega bara Baldur. Við fengum okkur nú aðeins neðan í því til að minnast Unna á Laugardagskvöldinu við félagarnir.

15.03.2007 10:08

Látinn er vinur góður

VINUR AÐ DEYJA
Að kveldi einn ég stóð
á eyðilegri ströndu.
Á fjallatinda fjúki hlóð,
í fjarska dundu veðurhljóð,
sem veikur maður varpi þungan öndu.

Þá hinsta skíma flúði fjær
af foldu vegu langa,
en fjúk og stormur færðist nær,
og frostið sínar bitru klær
mér lagði fast um fætur, hönd og vanga.

Og eftir fáein andartog
við ógnir storms og fanna
þar risu hrannir hátt á vog.
Mér heyrðist brimsins voðasog
sem djúpar stunur dauðasærðra manna.

Þá fannst mér sjávaraldan ein
sig öðrum hærra teygja.
Hún beygði fald við fjörustein,
með feigðar-köldum rómi hrein:
"Ó veistu, að þinn vinur er að deyja?"

Þá fór mér hrollur hjarta að,
og harm ég fann mig beygja.
Það orð á þessum eyðistað
í eyrum mínum stöðugt kvað:
"Ó, veistu, að þinn vinur er að deyja?"
Páll J. Árdal

Unnar Rafn Jóhannsson 20.apríl - 13.mars 2007
Unni eins og hann var yfirleitt kallaður í vinahóp mínum (stundum Unnsteinn eða Bakkus) var með eindæmum frábær náungi sagði nú ekki mikið en þegar til þess kom hafði hann kannski skvett í sig flösku á góðri stundu í vinahóp sem ég hef verið í í mörg mörg herrans ár. Stundum fengum við okkur í glas tveir saman þegar enginn annar var til þess en yfirleitt var Beggi ekki langt undan því Unni var hans allra besti vinur og því missirinn mikill fyrir Begga. Ég mun minnast hans alla tíð með hugsuði og miklum söknuði. Gummi

Eiríkur Þórðarson, t.v. og Unnar Rafn Jóhannsson, t.h.
Mennirnir tveir sem fórust 13.mars 2007 er Björg Hauks, 10 tonna trilla hvolfdi við mynni Ísafjarðardjúps hétu Eiríkur Þórðarson og Unnar Rafn Jóhannsson. Eiríkur var 47 ára gamall. Hann lætur eftir sig sambýliskonu, eina dóttur og fimm fóstursyni. Unnar Rafn var 32 ára. Hann var ókvæntur og barnlaus. Báðir mennirnir áttu heima á Ísafirði.

12.03.2007 19:57

Þetta er allt annað

Hér get ég fríkað út sett inn myndir og myndbönd og hitt og þetta og svo skrifað að sjálfsögðu allt um líf mitt endilega að skoða þetta. Hver verður fyrstur til að SKRIFA Í GESTABÓKINA

11.03.2007 18:00

Gunnar Veturliðason

Þrjú snjóflóð hafa fallið í skutulsfirði það sem af er deginum 07-03-07 Flóðin féllu öll á Kirkjubólshlíð. Tvö féllu fyrir innan flugvöllinn, fyrir utan bæinn Höfða í Engidal og eitt féll á varnargarðinn fyrir ofan sorpbrensluna Funa. Flóðið sem féll fyrir ofan Funa var nokkuð stórt og kraftmikið. Ólafur Prebensson, stöðvarstjóri Funa segir að ljóst sé að varnargarðurinn bjargaði sorpbrenslunni frá miklum skemmdum , en flóðið féll að mestu á garðinn. Eihver snjór spýttist þó yfir hann og lenti inni í sorpgryfju hússins. Gunnar Veturliðason starfsmaður Funa, var að moka planið milli sorpbrenslunar og varnargarðsins þegar flóðið féll. Spýjan sem slettist yfir garðinn fór yfir moksturstækið sem Gunnar var í og því slapp hann ómeiddur. Ólafur segir að tjón vegna flóðsins sé lítið, aðeins hafa nokkrar girðingar farið og hluti af rotþró brotnað. Hann ítrekar að varnargarðurinn hafi margborgað sig, en flóðið hefði líklega stórskemmt húsið ef garðurinn væri ekki til staðar.

TEKIÐ AF BB.IS

 

SMELLIÐ Á MYND

11.03.2007 17:45

Óhugnaleg hækkun fasteignagjalda í Ísafjarðarbæ

Nokkrir vinnufélagar úr Miðfelli þar sem ég vinn tóku sig saman og dreifðu undirskriftalista sem var til að mótmæla óhugnalegum hækkunum fasteignagjalda og lágu þeir frammi í Hamraborg, Samkaup og Esso Bensínstöðinni. 431 skrifuðu sig á listann og það er bara mjög há prósenta af íbúðareigendum. 26. febrúar var svo farið á fund með Bæjarstjóra Ísafjarðarbæjar og honum afhentur undirskriftirnar og málin rædd og það má til sannsögu færa að hann skildi alveg sjónarhorn okkar en fannst að hægt væri að réttlæta þetta en ég get ekki séð neitt gott í þessu. Ég er að borga 89.901 þúsund í fasteignagjöld af íbúð sem er eins og kústaskápur að stærð eða aðeins 63 fermetrar og inn í því er góð geymsla niðrí kjallara. Sorpgjaldið er alveg svimandi hátt á þessu svæði, við borgum 29.000 þúsund hér fyrir vestan en t.d. fyrir sunnan er það meira en helmingi minna. Við báðum RÚV og BB að mæta á svæðið og mættu báðir aðilar. Það er ekki annað hægt að segja en, VÉR MÓTMÆLLUM ALLIR.

  • 1